തൈര് പുളിച്ചു പോകാതെ കൂടുതൽ ദിവസം ഇരിക്കണോ? ഈ പൊടിക്കൈകൾ പരീക്ഷിച്ചുനോക്കൂ

തൈര് വെച്ച് ഉണ്ടാക്കുന്ന വിഭവങ്ങൾക്കേല്ലാം ആരാധകരേറെയാണ്. അതുകൊണ്ട് തന്നെ മിക്ക വീടുകളിലെ ഫ്രിഡ്ജുകളിലും തൈര് കാണും.

എന്നാൽ രണ്ടോ മൂന്നോ ദിവസം കൊണ്ട് തൈര് അമിതമായി പുളിക്കുകയും രുചി മാറുകയും ചെയ്യാറുണ്ട്.

ഇത് ഒഴിവാക്കി തൈര് കൂടുതൽ ദിവസം ഇരിക്കാൻ ചില പൊടിക്കൈകൾ നോക്കാം.

തൈര് സൂക്ഷിക്കുന്നത് വായു കടക്കാത്തതും ഈർപ്പം ഇല്ലാത്തതുമായ പാത്രത്തിൽ ആവണം. പാത്രത്തിൽ നിന്ന് തൈര് പുറത്തെടുക്കുമ്പോഴെല്ലാം പത്രത്തിന്റെ അടപ്പ് നന്നായി ഇറുക്കി അടയ്ക്കാനും പ്രത്യേകം ശ്രദ്ധിക്കണം.

തൈര് കൂടുതൽ കാലം കേടുകൂടാതെയിരിക്കാൻ ഫ്രിഡ്ജിൻ്റെ ഏറ്റവും താഴത്തെ തട്ടിൽ സൂക്ഷിക്കുന്നതാണ് നല്ലത്.

1.6 ഡിഗ്രി സെൽഷ്യസ് മുതൽ 4.4 ഡിഗ്രി സെൽഷ്യസ് വരെയുള്ള താപനിലയിൽ ഫ്രിഡ്ജിൽ സൂക്ഷിച്ചാൽ ദീർഘനാൾ കേടുകൂടാതെയിരിക്കും.

തൈരിന്റെ ഉപയോ​ഗം കഴിഞ്ഞാൽ കവറിൽ തന്നെ സൂക്ഷിക്കാതെ ഒരു പാത്രത്തിലേക്ക് പകർത്തിയ ശേഷം ഫ്രിഡ്‍ജിൽ സൂക്ഷിക്കുക.

തൈര് ഉപയോ​ഗിക്കുന്ന സമയത്ത് ഫ്രിഡ്ജിൽ നിന്ന് മൊത്തത്തിൽ എടുത്ത് പുറത്ത് വെയ്ക്കാതെ ആവശ്യത്തിന് മാത്രം എടുത്ത് ഉപയോ​ഗിക്കുക.