വേവിച്ച മുട്ട കേടുവരാതിരിക്കാന്‍ ചെയ്യേണ്ടത് ഇതു മാത്രം 

നിരവധി പോഷക ഗുണങ്ങള്‍ അടങ്ങിയതാണ് മുട്ട.അതുകൊണ്ട് തന്നെ പല വിധത്തില്‍ മുട്ട നമ്മള്‍ കഴിക്കാറുമുണ്ട്.

എന്നാല്‍ മുട്ട വേവിച്ചു കഴിഞ്ഞാല്‍ ശരിയായ രീതിയില്‍ സൂക്ഷിച്ചില്ലെങ്കില്‍ പെട്ടെന്ന് കേടായിപ്പോകുന്നതുമാണ്.

ഇത് കേടുവരാതെ കുറച്ചു നാള്‍ സൂക്ഷിക്കാന്‍ എന്താണ് ചെയ്യേണ്ടത്...? നോക്കാം.

വേവിച്ച മുട്ട ഫ്രിഡ്ജിൽ സൂക്ഷിച്ചാൽ ഒരാഴ്ച്ചയോളം കേടുവരാതിരിക്കും. തൊലി കളഞ്ഞും അല്ലാതെയും മുട്ട ഫ്രിഡ്ജിൽ സൂക്ഷിക്കാനാവും. അതേസമയം നല്ല രീതിയിൽ തണുപ്പ് ലഭിക്കുന്നുണ്ടെന്ന് ഉറപ്പ് വരുത്തണം. ഇല്ലെങ്കിൽ മുട്ടയിൽ പെട്ടെന്ന് അണുക്കൾ ഉണ്ടാകുന്നു.

മുട്ട തൊലി കളയാതെ സൂക്ഷിക്കുന്നതാണ് നല്ലത്. ഇത് മുട്ട കേടുവരുന്നതിനേയും ദുർഗന്ധം ഉണ്ടാവുന്നതിനേയും തടയുന്നു. വൃത്തിയുള്ള, വായുകടക്കാത്ത പാത്രത്തിലാക്കിയാവണം ഫ്രിഡ്ജിൽ മുട്ട സൂക്ഷിക്കേണ്ടത്.

പാകം ചെയ്തുകഴിഞ്ഞാൽ രണ്ട് മണിക്കൂറിൽ കൂടുതൽ മുട്ട റൂം ടെമ്പറേച്ചറിൽ സൂക്ഷിക്കാൻ പാടില്ല. ഉടൻ തന്നെ ഫ്രിഡ്ജിൽ വെയ്ക്കാൻ ശ്രദ്ധിക്കണം.

ഫ്രിഡ്ജിൽ ഏറ്റവും കൂടുതൽ തണുപ്പ് ലഭിക്കുന്ന സ്ഥലത്താവണം മുട്ട സൂക്ഷിക്കേണ്ടത്. ഇല്ലെങ്കിൽ ഇത് പെട്ടെന്ന് കേടായിപ്പോകും.

ദുർഗന്ധം വരുകയോ ഘടനയിലും നിറത്തിലും രുചിയിലും മാറ്റങ്ങൾ ഉണ്ടാവുകയോ ചെയ്താൽ മുട്ട കഴിക്കുന്നത് ഒഴിവാക്കണം.