കറികളില്‍ എരിവ് കൂടിയോ? പരിഹാരമുണ്ട്

കറികളില്‍ എരിവോ പുളിയോ ഉപ്പോ കുറഞ്ഞാല്‍ അത് നമുക്ക് പരിഹരിക്കാനാകും.

എന്നാല്‍ കറികളിൽ എരിവോ പുളിയോ ഉപ്പോ അല്‍പം കൂടിപ്പോയാലാണ് പ്രയാസം.

കറികളില്‍ എരിവ് കൂടിയാല്‍ ചെയ്യാവുന്ന ചില പൊടിക്കൈകൾ നോക്കാം

കറിയിലേക്ക് ഏതാനും ഉരുളക്കിഴങ്ങ് കഷ്ണങ്ങള്‍ ചേര്‍ക്കുക. ഇത് വെന്തുകഴിഞ്ഞാല്‍ എടുത്തുമാറ്റണമെങ്കില്‍ മാറ്റാവുന്നതാണ്. ഉപ്പ് ഏറിയാലും ഇതുതന്നെ ചെയ്യാവുന്നതാണ്.

കറിയില്‍ എരിവേറിയാല്‍ കറിയിലേക്ക് അല്‍പം പുളിയില്ലാത്ത കട്ടത്തൈര് അല്ലെങ്കില്‍ ക്രീമോ ചേര്‍ക്കാവുന്നതാണ്.

എരിവേറിയാല്‍ അല്‍പം ടൊമാറ്റോ കെച്ചപ്പ് ചേര്‍ക്കുന്നതും നല്ലതാണ്. തക്കാളി അരച്ചുചേര്‍ക്കുന്നതിനെക്കാള്‍ കെച്ചപ്പ് ചേര്‍ക്കുന്നത് തന്നെയാണ് നല്ലത്.

കറിയിലേക്ക് അല്‍പം ചെറുനാരങ്ങാനീര് ചേര്‍ക്കുന്നതും എരിവിനെ മയപ്പെടുത്തും. അതല്ലെങ്കില്‍ വിനാഗിരി ആയാലും മതി.

കറിയില്‍ എരിവേറിയാല്‍ ഏതാനും പച്ചക്കറി കഷ്ണങ്ങള്‍ കൂടി ചേര്‍ത്താലും എരിവ് കുറയും. എന്നാല്‍ ജലാംശം കൂടുതലുള്ള കുമ്പളങ്ങ പോലെയുള്ള പച്ചക്കറികള്‍ ചേര്‍ക്കാതിരിക്കുന്നതാണ് നല്ലത്.