മഴക്കാലം ഇങ്ങെത്തി; പ്രതിരോധശേഷിക്ക് ഇവ ഡയറ്റിൽ ഉൾപ്പെടുത്താം

മഞ്ഞൾ

മഴക്കാല രോ​ഗങ്ങളിൽ നിന്നും നിങ്ങളെ സംരക്ഷിക്കാൻ മഞ്ഞളിൽ അടങ്ങിയ ആന്റി-ഓക്സിഡന്റുകൾക്കും ആന്റി-ഇഫ്ലമേറ്ററി ​ഗുണങ്ങൾക്കും സാധിക്കും. മഞ്ഞൾ ഒരു മികച്ച ഇമ്മ്യൂണിറ്റി ബൂസ്റ്ററാണ്. ഇവയ്‌ക്ക് അണുബാധ തടയാനും ശരീരത്തെ ആരോ​ഗ്യമുള്ളതാക്കാനും കഴിയും.

ഇഞ്ചി

ദഹനത്തെ മെച്ചപ്പെടുത്താൻ സഹായിക്കുന്ന ഇഞ്ചി മലക്കാലത്ത് ഒരു സൂപ്പർഫൂഡ് ആയാണ് കണക്കാക്കുന്നത്. ഇത് ദഹനം മെച്ചപ്പെടുത്തുകയും വയറ്റിലുണ്ടാകാവുന്ന അസ്വസ്ഥതകൾ ഇല്ലാതാക്കാനും സഹായിക്കും.

വെളുത്തുള്ളി

ധാരാളം ആരോ​ഗ്യ​ഗുണങ്ങളുള്ള വെളുത്തുള്ളി നിങ്ങളുടെ ഡയറ്റിൽ ഉൾപ്പെടുത്തുന്നത് രോ​ഗപ്രതിരോധ ശേഷി വർധിപ്പിക്കാൻ സഹായിക്കും.

ഉലുവ

വിറ്റാമിനുകളും ധാതുക്കളും നാരുകളും ധാരാളമടങ്ങിയ ഉലുവ രോ​ഗപ്രതിരോധ ശേഷി കൂട്ടുന്നതിലുപരി രക്തത്തിലെ പഞ്ചസാരയുടെ അളവും നിയന്ത്രിക്കാൻ സഹായിക്കുന്നു.

ചീര

ധാരാളം വിറ്റാമിനുകളും ആന്റി-ഓക്സിഡന്റുകളും ഇരുമ്പുമടങ്ങിയ ചീര മികച്ച ഒരു ഇമ്മ്യൂണിറ്റി ബൂസ്റ്റർ കൂടിയാണ്.