അമല്‍ ജോയ്
തത്കാല്‍ ബുക്കിങ് സമയം സംബന്ധിച്ചുള്ള തെറ്റായ സന്ദേശങ്ങളില്‍ വിശദീകരണവുമായി എത്തിയിരിക്കുകയാണ് റെയില്‍വേ
നിലവില്‍ എസി, നോണ്‍ എസി സീറ്റുകള്‍ തത്കാല്‍, പ്രീമിയം തത്കാല്‍ എന്നിവയായി ബുക്ക് ചെയ്യുന്നതില്‍ മാറ്റമില്ലെന്നു റെയില്‍വേ അറിയിച്ചു
തത്കാല്‍ ടിക്കറ്റുകള്‍ ട്രെയിന്‍ യാത്ര പുറപ്പെടുന്നതിന് ഒരു ദിവസം മുമ്പാണ് ബുക്ക് ചെയ്യേണ്ടത്. ട്രെയിന്‍ യാത്ര ആരംഭിക്കുന്ന സമയത്തിന് ഒരു ദിവസം മുന്‍പാണ് ടിക്കറ്റ് ബുക്ക് ചെയ്യേണ്ടത്.
തത്കാല്‍ ഓപ്പണ്‍ ആകുന്ന ദിവസം രാവിലെ 10 മണിക്കാണ് എസി ടിക്കറ്റുകള്‍ ബുക്ക് ചെയ്യാനാവുക. 11 മണിക്കാണ് നോണ്‍ എസി ടിക്കറ്റുകള്‍ ബുക്ക് ചെയ്യേണ്ടത്.
ഓഗസ്റ്റ് രണ്ടാം തീയതിയാണ് ട്രെയിന്‍, യാത്ര ആരംഭിക്കുന്ന ആദ്യത്തെ സ്റ്റേഷനില്‍ നിന്നു പുറപ്പെടുന്നതെങ്കില്‍ എസി തത്കാല്‍ ടിക്കറ്റുകള്‍ ഓഗസ്റ്റ് ഒന്നാം തീയതി രാവിലെ പത്തുമണി മുതല്‍ ബുക്ക് ചെയ്യാം
നോണ്‍ എസി ടിക്കറ്റുകള്‍ ഓഗസ്റ്റ് ഒന്നാം തിയതി പതിനൊന്നു മണിക്ക് ബുക്ക് ചെയ്യാം
ഒരു പിഎന്‍ആറില്‍ പരമാവധി നാലുപേര്‍ക്ക് മാത്രമാണ് തത്കാല്‍ ടിക്കറ്റുകള്‍ ബുക്ക് ചെയ്യാന്‍ കഴിയുക. സാധാരണ ടിക്കറ്റ് നിരക്കില്‍ നിന്നും അധികമായി യാത്രക്കാരില്‍ നിന്ന് തത്കാല്‍ ചാര്‍ജ് ഈടാക്കും.
തത്കാല്‍ ടിക്കറ്റ് ബുക്ക് ചെയ്യുന്ന അതേസമയം തന്നെയാണ് പ്രീമിയം തത്കാലും ബുക്ക് ചെയ്യേണ്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates