ബീഫ് പ്രേമികളുടെ ശ്രദ്ധയ്ക്ക് , ഫ്രഷ് ബീഫ് തിരഞ്ഞെടുക്കാനുള്ള ട്രിക്കുകൾ ഇതാ

നല്ല ചൂട് പൊറോട്ടയും ബീഫും ഇഷ്ടമുള്ള ആളുകളാണ് നമ്മൾ മലയാളികളിൽ മിക്കവരും.

നല്ല രുചിയുള്ള ബീഫ് കറി ഉണ്ടാക്കാണമെങ്കിൽ നല്ല ബീഫ് നോക്കി തന്നെ വാങ്ങിക്കേണ്ടതുണ്ട്.

കടകളിൽ നിന്നും, വലിയ സൂപ്പർമാർക്കറ്റുകളിൽ നിന്നും ലഭിക്കുന്ന എല്ലാ ബീഫും ചിലപ്പോൾ ഫ്രഷാകണം എന്നും ഇല്ല.

ബീഫ് പ്രേമികളായ നിങ്ങൾ ബീഫ് വാങ്ങുമ്പോൾ ഇക്കാര്യങ്ങൾ ശ്രദ്ധിച്ചാൽ നല്ല ഫ്രഷ് ബീഫ് വാങ്ങാം.

ഫ്രഷ് ബീഫിന് നല്ല ചുവന്ന നിറമായിരിക്കും. ഇങ്ങനെയാണെങ്കിൽ ധൈര്യമായി വാങ്ങാം.

കഷ്ണങ്ങളാക്കിയ ബീഫാണെങ്കിൽ ഓക്‌സിഡേഷൻ മൂലം പുറത്ത് നല്ല ചുവന്ന നിറവും ഉള്ളിൽ ബ്രൗണിഷ് നിറവുമായിരിക്കും. പഴക്കമുണ്ടെങ്കിൽ ഇത്തരം ബീഫിന് ഇരുണ്ട നിറമായിരിക്കും.

നല്ല ബീഫിന് വൃത്തിയുള്ള ഗന്ധവുമുണ്ടായിരിക്കും. പുളിച്ചതോ രൂക്ഷമായതോ ആയ ഗന്ധമാണെങ്കിൽ വാങ്ങിക്കരുത്.

മാംസത്തിനുള്ളിലെ കൊഴുപ്പിന്റെ ചെറിയ അടയാളങ്ങളും ഗുണനിലവാരത്തെയാണ് സൂചിപ്പിക്കുന്നത്. ഈ അടയാളത്തെ മാർബ്ലിങ് എന്ന് പറയും. മാർബ്ലിങ്ങ് മികച്ചതാണെങ്കിലും ബീഫ് മികച്ചതാണെന്ന് ഉറപ്പിക്കാം. മാർബ്ലിങ് കുറവാണെങ്കിൽ ഗുണനിലവാരം കുറവാണ്.

മൃഗങ്ങൾ കഴിക്കുന്ന ഭക്ഷണമനുസരിച്ചിരിക്കും ബീഫിലെ കൊഴുപ്പ്. വെള്ളനിറമോ ചെറിയ മഞ്ഞകലർന്ന നിറമോ ആണെങ്കിൽ ഏത് തരം ഭക്ഷണമാണ് ഇവ കഴിക്കുന്നതെന്നറിയാം. പുല്ലാണ് കഴിക്കുന്നതെങ്കിൽ ഇത് മഞ്ഞ നിറമായിരിക്കും ബീഫിന്റെ ഗുണമേന്മ കൂട്ടുന്ന ഒരു ഘടകമാണിത്.

വാങ്ങിയപ്പോൾ ബീഫ് നല്ലതാണോയെന്ന് മനസിലാക്കാൻ കഴിഞ്ഞില്ലെങ്കിൽ വേവിക്കമ്പോൾ രൂക്ഷമായ ഗന്ധം വന്നാൽ അത് നല്ലതല്ലെന്ന് മനസിലാക്കാം.