എണ്ണമയമുള്ള പാത്രങ്ങൾ വൃത്തിയാക്കാൻ ഇത്ര എളുപ്പമായിരുന്നോ? ഇങ്ങനെ ചെയ്യൂ

പാത്രങ്ങളിൽ അഴുക്കും കറയും ദുർഗന്ധവുമൊക്കെ ഉണ്ടാകാറുണ്ട്. ഇത് നന്നായി വൃത്തിയാക്കേണ്ടതും ഒഴിച്ച് കൂടാൻ സാധിക്കാത്ത ഒരു കാര്യമാണ്.

പാത്രത്തിൽ കറപിടിച്ചിരുന്നാൽ ഉടനെ കഴുകി വൃത്തിയാക്കിയില്ലെങ്കിൽ പിന്നീട് വൃത്തിയാക്കാൻ ബുദ്ധിമുട്ടാകും.

ഇത് വൃത്തിയാക്കാൻ പലതരം ക്ലീനറുകൾ നമ്മൾ ഉപയോഗിക്കാറുണ്ട്. എന്നാൽ കഠിനമായ എണ്ണ കറകളെ നീക്കം ചെയ്യാൻ കുറച്ചധികം ബുദ്ധിമുട്ടുണ്ട്.

പാത്രത്തിലെ എണ്ണമയത്തെ എളുപ്പത്തിൽ വൃത്തിയാക്കാനുള്ള ചില വഴികൾ നോക്കാം

ഉപ്പ് ഉപയോഗിക്കാം

ഉപ്പ് ചേർത്ത ചെറുചൂട് വെള്ളത്തിൽ ഒരു മണിക്കൂറോളം പാത്രം മുക്കിവയ്ക്കണം. ഇങ്ങനെ ചെയ്തതിന് ശേഷം സ്‌ക്രബർ ഉപയോഗിച്ച് പാത്രം ഉരച്ച് കഴുകാം. ഉപ്പിന്റെ കൂടെ റബ്ബിങ് ആൽക്കഹോളും ഉപയോഗിക്കാവുന്നതാണ്.

കഞ്ഞിവെള്ളം

ഒരു പാത്രത്തിൽ കഞ്ഞിവെള്ളം എടുത്തതിന് ശേഷം അതിലേക്ക് പാത്രം അര മണിക്കൂർ മുക്കിവയ്ക്കണം. ശേഷം സ്‌ക്രബർ ഉപയോഗിച്ച് ഉരച്ചെടുത്തതിന് ശേഷം ചൂട് വെള്ളം ഉപയോഗിച്ച് കഴുകിയെടുത്താൽ മതി.

എണ്ണ

നാരങ്ങാ നീര്, ഉപ്പ്, പഞ്ചസാര എന്നിവയ്‌ക്കൊപ്പം എണ്ണ കൂടെ ചേർത്ത് പാത്രം കഴുകിയാൽ എണ്ണമയം എളുപ്പത്തിൽ നീക്കം ചെയ്യാൻ സാധിക്കും.

നാരങ്ങ നീര്

ബേക്കിംഗ് സോഡയോടൊപ്പം നാരങ്ങ നീര് ചേർത്തതിന് ശേഷം പാത്രം കഴുകിയാൽ കറ മാത്രമല്ല പാത്രം തിളങ്ങുകയും ചെയ്യും.