കഴുകിയ പാത്രത്തിലെ ദുർഗന്ധം പോകുന്നില്ലേ? ഈ ട്രിക്കുകൾ ചെയ്യൂ

എത്രയൊക്കെ കഴുകി വൃത്തിയാക്കിയാലും ചില സമയങ്ങളിൽ പാത്രത്തിൽ നിന്നും ദുർഗന്ധം മാറാത്തത് വലിയൊരു പ്രശ്നം തന്നെയാണ്.

ഡിഷ് വാഷുകൾ പലതും മാറ്റി പരീക്ഷിച്ച് നോക്കിയിട്ടും ഈ ഒരു പ്രശ്നം മാത്രം മാറാറില്ല.

പാത്രങ്ങളിലെ ദുർഗന്ധം അകറ്റാൻ ഇങ്ങനെ ചെയ്തു നോക്കൂ.

പാത്രങ്ങൾ ചൂട് വെള്ളവും ഡിഷ് വാഷും ഉപയോഗിച്ച് നന്നായി കഴുകുക. ശേഷം വൃത്തിയുള്ള സ്ഥലത്ത് വെച്ച് പാത്രങ്ങൾ നന്നായി ഉണക്കണം. ഇത് ദുർഗന്ധത്തെ ഇല്ലാതാക്കാൻ സഹായിക്കുന്നു.

ചൂട് വെള്ളത്തിൽ വിനാഗിരി കലർത്തിയതിന് ശേഷം അതിൽ പാത്രങ്ങൾ ഒരു മണിക്കൂർ മുക്കിവയ്ക്കാം. ശേഷം നല്ല വെള്ളത്തിൽ കഴുകിയെടുത്താൽ മതി.

വെള്ളത്തിൽ ബേക്കിംഗ് സോഡ ചേർത്ത് പേസ്റ്റ് പോലെയാക്കണം. ശേഷം ബ്രഷ് ഉപയോഗിച്ച് പാത്രത്തിൽ നന്നായി തേച്ചുപിടിപ്പിക്കാം. ഒരു മണിക്കൂർ അങ്ങനെ തന്നെ വെച്ചതിന് ശേഷം വെള്ളത്തിൽ കഴുകിയെടുത്താൽ മതി ദുർഗന്ധം എളുപ്പം ഇല്ലാതാക്കാൻ സാധിക്കും.

പാത്രം സൂക്ഷിക്കുന്ന ഇടങ്ങൾ ഇടയ്ക്കിടെ വൃത്തിയാക്കാൻ ശ്രദ്ധിക്കണം. വൃത്തിയില്ലാത്ത സ്ഥലങ്ങളിൽ കഴുകിയ പാത്രങ്ങൾ സൂക്ഷിക്കുന്നത് ദുർഗന്ധം ഉണ്ടാവാൻ കാരണമാകുന്നു.