കൈകളിലെ മെഹന്തിയുടെ നിറം മങ്ങിയോ? ഇങ്ങനെ നീക്കം ചെയ്യാം

എത്ര മനോഹരമായ രീതിയിൽ അണിഞ്ഞാലും നിശ്ചിത ദിവസം കഴിയുമ്പോൾ മെഹന്തിയുടെ നിറം മങ്ങി തുടങ്ങും.

മങ്ങിയ മെഹന്തി കാണാൻ അഭംഗിയാണ്. കൈകളുടെ സ്വാഭാവിക ഭംഗി പോലും ഇവ ഇല്ലാതാക്കും.

നിറം മങ്ങി തുടങ്ങിയാൽ പിന്നെ എത്രയും വേഗം പൂർണമായും മാറ്റാനുള്ള വഴികൾ അന്വേഷിക്കുന്നവരാണ് ഏറെയും.

വീട്ടിൽ ലഭ്യമായ സാധാരണ വസ്തുക്കൾ ഉപയോഗിച്ച് മങ്ങി തുടങ്ങിയ മൈലാഞ്ചി നീക്കം ചെയ്യാം.

ടൂത്ത്പേസ്റ്റ്

നിറം മങ്ങിയ മൈലാഞ്ചിക്ക് മുകളിൽ ടൂത്ത് പേസ്റ്റ് പുരട്ടി ഉണങ്ങാൻ അനുവദിക്കുക. ശേഷം ഇത് കഴുകി കളയാം. തുടർച്ചയായ ദിവസങ്ങളിൽ ചെയ്യുന്നത് മെഹന്തി പെട്ടെന്ന് തുടച്ചു നീക്കാൻ സഹായിക്കും

നാരങ്ങ

ഒരു നാരങ്ങയെ രണ്ട് ഭാഗങ്ങളായി മുറിച്ച് ജ്യൂസ് കൈകളിലെ മെഹന്തിക്ക് മുകളിൽ നേരിട്ട് ഉരസുക. ശേഷം ചെറു ചൂടുള്ള വെള്ളത്തിൽ കഴുകി കളയാം

ബേക്കിംഗ് സോഡ

ബേക്കിംഗ് സോഡപ്പൊടിയും നാരങ്ങയും ചേർത്ത് കട്ടിയുള്ള പേസ്റ്റ് ഉണ്ടാക്കുക. മെഹന്തി നിറം നീക്കം ചെയ്യാൻ ഇത് കൈകളിൽ പുരട്ടുക ശേഷം കഴുകി കളയാം.

ഉപ്പ്‌ വെള്ളം

ചൂട്‌ വെള്ളത്തിൽ ഉപ്പ്‌ ചേർത്ത്‌ കൈയും കാലും 20 മിനുട്ട്‌ നേരം അല്ലെങ്കിൽ വെള്ളം തണുക്കുന്നത്‌ വരെ അതിൽ മുക്കി വയ്‌ക്കുക. പല പ്രാവശ്യം ഇത്‌ ചെയ്‌താൽ മികച്ച ഫലം ലഭിക്കും.

ഒലിവ്‌ ഓയിലും ഉപ്പും

ഒലിവ്‌ എണ്ണയിൽ അൽപം ഉപ്പ്‌ ചേർത്ത്‌ മൈലാഞ്ചി ഇട്ട്‌ ഭാഗത്ത്‌ പുരട്ടുക. പത്ത്‌ മിനുട്ടിന്‌ ശേഷം വീണ്ടും പുരട്ടുക.