കുക്കറിൽ നിന്നും ഇനി വെള്ളം ചീറ്റില്ല; ഇങ്ങനെ ചെയ്താൽ മതി

അടുക്കളയിൽ ഏറ്റവും കൂടുതൽ ഉപയോ​ഗിക്കുന്ന പാത്രങ്ങളിൽ ഒന്നാണ് കുക്കർ.

ഏറ്റവും കൂടുതൽ ഉപയോ​ഗിക്കുന്നത് കൊണ്ട് തന്നെ വളരെ പെട്ടന്ന് കുക്കർ കേടുവന്ന് പോകുന്നു.

പ്രഷർ കുക്കർ ഉപയോ​ഗിക്കുന്നവർ നേരിടുന്ന ഒരു പ്രശ്നമാണ് വിസിലടിക്കുമ്പോൾ ലിഡിന്റെ മുകളിൽ നിന്നും വശങ്ങളിൽ നിന്നുമെല്ലാം വെള്ളം പതഞ്ഞൊഴുകുന്നത്.

ഇവ അടുക്കളയിലെ ഭിത്തിയിലും മറ്റും തെറിച്ച് വീഴുകയും കറ രൂപപ്പെടുകയും ചെയ്യുന്നു.

കുക്കറിൽ നിന്നും വെള്ളം ചീറ്റാതിരിക്കാനുള്ള ട്രിക്ക് എന്താണെന്ന് നോക്കാം.

കുക്കറിന്റെ സിലിക്കൺ/റബർ സീലിം​ഗ് റിം​ഗിൽ വിള്ളലോ മുറിഞ്ഞിരിക്കുകയോ മറ്റ് കേടുപാടുകളോ ഉണ്ടെങ്കിൽ പതവരുകയോ വെള്ളം ചീറ്റുകയോ ചെയ്തേക്കാം.

കുക്കറിന്റെ വെന്റ് ട്യൂബ് പരിശോധിക്കുക. ഭക്ഷണപദാർത്ഥമോ അഴുക്കോ മറ്റോ ട്യൂബിനുള്ളിൽ കയറിയിരിക്കുന്നെങ്കിൽ അത് വൃത്തിയാക്കണം.

ഭക്ഷണ പദാർത്ഥത്തിന് മുകളിൽ എത്തുന്നതുവരെ മാത്രം വെള്ളം നിറയ്ക്കുക. വെള്ളം കൂടിപ്പോയാലും ലീക്ക് ഉണ്ടാകാനുള്ള സാധ്യതയുണ്ട്.

ഭക്ഷണം ഒരിക്കലും കുക്കറിൽ കുത്തിനിറച്ച് വയ്ക്കരുത്. ഇത് ലീക്കേജ് മാത്രമല്ല പൊട്ടിത്തെറിക്കാനുള്ള സാധ്യതയും വർദ്ധിപ്പിക്കുന്നു.

പയർ, അരി തുടങ്ങിയ ഭക്ഷണങ്ങൾ പ്രഷർ കുക്കറിൽ പാചകം ചെയ്യുന്നതിന് മുമ്പ് അതിൽ ഒരു ടീസ്പൂൺ എണ്ണയോ നെയ്യോ ചേർക്കുന്നത് നല്ലതാണ്.