മെത്തകൾ കൂടുതൽ കാലം ഉപയോഗിക്കാൻ ഈ ടിപ്പുകൾ പരീക്ഷിക്കാം

മെത്തയിലെ എല്ലാ ഭാഗവും ഒരേപോലെ അല്ല എന്ന് തോന്നുമ്പോൾ നമ്മൾ ചെയ്യുന്ന ഒന്നാണ് പുതിയൊരെണ്ണം വാങ്ങുക എന്നത്.

എന്നാൽ മെത്ത ഇടയ്ക്കിടയ്ക്ക് മാറ്റി വാങ്ങുക എന്നത് പ്രായോഗികമല്ല.

നമ്മുടെ ദൈനംദിന ശീലങ്ങളാണ് ഇത്തരത്തിൽ മെത്ത പെട്ടന്ന് കേടുവന്ന് പോകുന്നതിനുള്ള കാരണം.

ലളിതമായ ചില വഴികളിലൂടെ നിങ്ങളുടെ കിടക്കകള്‍ കേടുപാടുകള്‍ ഇല്ലാതെ പരിപാലിക്കാൻ കഴിയും.

ഇരുവശവും ഉപയോഗിക്കാന്‍ പറ്റുന്ന മോഡലുകളിലുളള മെത്തകള്‍ വാങ്ങുക, ഓരോ വശവും ആറ് മാസം കൂടുമ്പോഴും മറിച്ചിട്ട് ഉപയോഗിക്കാം. മെത്തയ്ക്കകത്തെ സ്പ്രിങ്ങുകളും പഞ്ഞികളും സംരക്ഷിക്കുന്നതിനായി മെത്ത ഉയര്‍ത്തുമ്പോള്‍ എല്ലാ വശവും ചേര്‍ത്ത് പിടിക്കുക.

മെത്തപോലെ തന്നെ അതിനടിയിലുളള കട്ടിലും ശ്രദ്ധയോടെ തിരഞ്ഞെടുക്കണം. കട്ടിലിന്റെ ബലഹീനത കാരണം മെത്ത താഴ്ന്നുപോവുകയോ കേടുപാടുകൾ സംഭവിക്കുകയോ ചെയ്യാം.

മെത്ത കേടുപാടുകളില്ലാതെ സംരക്ഷിക്കാന്‍ ഈര്‍പ്പം, കറകള്‍, പൊടി എന്നിവ ഏല്‍ക്കാതിരിക്കുന്നതാണ് ഉത്തമം. അതിനായി മെത്തയ്ക്ക് കവര്‍ ഇട്ട് ഉപയോഗിക്കുക.

ആഴ്ചതോറും ബെഡ് ഷീറ്റുകള്‍ മാറ്റുക. ബെഡ് ഷീറ്റ് മാറ്റുന്ന സമയത്ത്, ഉള്ളില്‍ തങ്ങിനില്‍ക്കുന്ന ചൂട് പുറത്തുപോകാനായി മെത്ത കുറച്ച് സമയം വെയിലുകൊളളിക്കുന്നതും നല്ലതാണ്.

മെത്ത കീറാതിരിക്കാനും തേയ്മാനം ഉണ്ടാവാതിരിക്കാനും വളര്‍ത്തു മൃഗങ്ങളെ അതിൽ കയറ്റാതിരിക്കുക.

ഇങ്ങനെ വളരെ ചെറിയ കാര്യങ്ങള്‍ ശ്രദ്ധിച്ചാല്‍ മെത്തകള്‍ കൂടുതല്‍ കാലം ഉപയോഗിക്കാന്‍ സാധിക്കും.