മുഖക്കുരു മാറ്റി തിളക്കമുള്ള ചർമ്മം നേടാം; ഈ വഴികൾ പരീക്ഷിക്കൂ

സൗന്ദര്യ സംരക്ഷണത്തിന്റെ കാര്യത്തിൽ എല്ലാവരും നേരിടുന്ന ഒരു പ്രധാന വെല്ലുവിളിയാണ് മുഖക്കുരു.

കൗമാരപ്രായക്കാരെ മാത്രമല്ല, മുതിർന്നവരെയും ഒരുപോലെ അലട്ടുന്ന ഈ ചർമ്മപ്രശ്നം ആത്മവിശ്വാസം കുറയ്ക്കുന്നതിനും കാരണമാകാറുണ്ട്.

മുഖക്കുരു മാറ്റാൻ വീട്ടിൽ തന്നെ പരീക്ഷിക്കാവുന്ന ചില ഫലപ്രദമായ വഴികൾ നോക്കാം.

തേനും നാരങ്ങയും

ശുദ്ധമായ തേനിൽ ഏതാനും തുള്ളി നാരങ്ങാനീര് ചേർത്ത് മുഖക്കുരുവിൽ പുരട്ടുക.ഒന്നര മണിക്കൂറിന് ശേഷം ചെറുചൂടുവെള്ളത്തിൽ കഴുകിക്കളയുക. നാരങ്ങാനീര് പുരട്ടിയ ശേഷം സൂര്യരശ്മി ഏൽക്കുന്നത് ഒഴിവാക്കണം.

ആര്യവേപ്പില

ആര്യവേപ്പില അരച്ചതോ, വേപ്പിലയിട്ട് തിളപ്പിച്ചാറിയ വെള്ളമോ ഉപയോഗിച്ച് മുഖം കഴുകുന്നത് മുഖത്തെ സുഷിരങ്ങളെ ശുദ്ധീകരിക്കാൻ സഹായിക്കുന്നു. ആര്യവേപ്പിന് ആൻ്റി ബാക്ടീരിയൽ ഗുണങ്ങളുണ്ട്.

ജാതിപത്രിയും തേനും

ജാതിപത്രി പൊടിച്ച് അൽപം തേനിൽ ചാലിച്ച് മുഖക്കുരുവുള്ള ഭാഗങ്ങളിൽ പുരട്ടുന്നത് പാടുകൾ കുറയ്ക്കാൻ നല്ലതാണ്.

ചെമ്പരത്തി ഫേസ് മാസ്ക്

ചെമ്പരത്തിപ്പൂവ് അരച്ചതോ പൊടിച്ചതോ തൈരും തേനും ചേർത്ത് മുഖത്തിടുന്നത് അമിതമായ സെബം (എണ്ണ) ഉത്പാദനം നിയന്ത്രിക്കാൻ സഹായിക്കും.