ആരോഗ്യത്തിന് മോശമായ പ്രഭാതഭക്ഷണങ്ങൾ

ഒരു ദിവസത്തിലെ ഏറ്റവും പ്രധാനപ്പെട്ട ഭക്ഷണമായി വിശേഷിപ്പിക്കപ്പെടുന്ന ഒന്നാണ് പ്രഭാതഭക്ഷണം.

എന്നിരുന്നാലും, എല്ലാ പ്രഭാതഭക്ഷണവും നമ്മൾ അറിയാതെ ശരീരത്തിന് ഗുണത്തേക്കാളേറെ ദോഷം ചെയ്യുന്നവയാണ്.

പ്രഭാതഭക്ഷണമായി കഴിക്കാൻ പാടില്ലാത്ത ചില ഇന്ത്യൻ ഭക്ഷണങ്ങൾ ഉണ്ട്. അവ ഏതെല്ലാമെന്ന് നോക്കാം.

മൈദ കൊണ്ട് ഉണ്ടാക്കിയ സേമിയ ഉപ്പുമാവ്

മൈദ കൊണ്ടുള്ള സേമിയ ഉപ്പുമാവിൽ പ്രോട്ടീൻ, ഫൈബർ, വിറ്റാമിനുകൾ എന്നിവ കുറവാണ്. ഇത് പ്രമേഹം, ശരീരഭാരം കൂടൽ തുടങ്ങിയ പ്രശ്നങ്ങൾക്ക് കാരണമാകും. ഗോതമ്പ് ഉപയോഗിച്ച് ഉപ്പുമാവ് ഉണ്ടാക്കുന്നതാണ് നല്ലതാണ്.

മൈദ ദോശ

ഈ ദോശയിൽ ഫൈബർ, പ്രോട്ടീൻ, വിറ്റാമിനുകൾ എന്നിവ കുറവാണ്. ഇത് ദഹനം കുറയ്ക്കുകയും രക്തത്തിലെ പഞ്ചസാരയുടെ അളവ് കൂട്ടുകയും ചെയ്യും. പകരം ഉഴുന്നും അരിയും കൊണ്ടുള്ള ദോശ കഴിക്കാം.

റവ ഉപ്പുമാവ്

റവ ഉപ്പുമാവിലും കാർബോഹൈഡ്രേറ്റ് കൂടുതലാണ്. പോഷകങ്ങൾ കുറവാണ്. ഇത് കഴിച്ചാൽ പെട്ടെന്ന് വിശക്കുകയും ക്ഷീണം തോന്നുകയും ചെയ്യും. പകരം ഗോതമ്പ് റവയോ ചെറുധാന്യങ്ങളോ ഉപയോഗിക്കാം.

പൂരിയും കറിയും

രാവിലെ പൂരിയും കറിയും കഴിക്കാൻ പലർക്കും ഇഷ്ടമാണ്. എന്നാൽ ഇതിൽ എണ്ണ, കലോറി, കൊഴുപ്പ് എന്നിവയുടെ അളവ് വളരെ കൂടുതലാണ്. ഇത് ദിവസവും കഴിക്കുന്നത് ശരീരഭാരം കൂടാനും ദഹനപ്രശ്നങ്ങൾക്കും കാരണമാകും.

മധുര പൊങ്കൽ

മധുരമുള്ള പൊങ്കലിൽ പഞ്ചസാരയും ശർക്കരയും ധാരാളം ഉപയോഗിക്കുന്നു. ഇത് രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിപ്പിക്കും. ശരീരഭാരം കുറയ്ക്കുന്നവരും പ്രമേഹരോഗികളും ഇത് ഒഴിവാക്കണം.

രാവിലെ ചെറുപയർ ദോശ, വെജിറ്റബിൾ ഓട്സ്, മുളപ്പിച്ച പയർ സാലഡ്, പുഴുങ്ങിയ മുട്ട, ബ്രൗൺ ബ്രെഡ്, പഴങ്ങൾ എന്നിവ കഴിക്കുന്നത് ആരോ​​ഗ്യത്തിന് വളരെ ഹെൽത്തിയാണ്.