ഉപ്പിന് രുചി നൽകാൻ മാത്രമല്ല, ഉപയോ​ഗങ്ങൾ വേറെയുമുണ്ട്

പാചകത്തിന് മാത്രമല്ല മറ്റ് പല കാര്യങ്ങൾക്കും ഉപ്പ് ഉപയോ​ഗിക്കാം

ഉപ്പിന്റെ സഹായത്തോടെ ചെയ്യാൻ കഴിയുന്ന കാര്യങ്ങൾ നോക്കാം

വീടിനുള്ളിലും പരിസരത്തും നിരന്തരം വരുന്ന ഉറുമ്പിന്റെ ശല്ല്യം ഇല്ലാതാക്കാൻ ഉറുമ്പ് വരുന്നിടത്ത് ഉപ്പ് വിതറിയിട്ടാൽ മതി

മങ്ങിപ്പോയ സ്റ്റീൽ പാത്രങ്ങളും അതിലെ കറയും കളയാൻ ഉപ്പ് മതി. പാത്രങ്ങൾ വെള്ളമൊഴിച്ച് കഴുകിയതിന് ശേഷം അതിലേക്ക് കുറച്ച് ഉപ്പിട്ട് നന്നായി ഉരച്ച് കഴുകണം.

സവാളയും വെളുത്തുള്ളിയും മുറിച്ചതിന് ശേഷം കൈകളിൽ നില നിൽക്കുന്ന ​ഗന്ധത്തെ അകറ്റാൻ കുറച്ച് ഉപ്പെടുത്തതിന് ശേഷം കൈകൾ ഉരച്ച് കഴുകിയാൽ മതി.

പൂന്തോട്ടത്തിൽ അനാവശ്യമായി വളരുന്ന ചെടികളും പുല്ലും ഇല്ലാതാക്കാൻ കുറച്ച് ഉപ്പും വെള്ളവും വിനാ​ഗിരിയും ചേർത്ത മിശ്രിതം സ്പ്രേ ചെയ്താൽ മതി.

വസ്ത്രങ്ങളിൽ പറ്റിപ്പിടിച്ച കറ നീക്കം ചെയ്യാൻ നല്ല തണുത്ത വെള്ളത്തിൽ കറപറ്റിയ വസ്ത്രം മുക്കിവെച്ചതിന് ശേഷം ഉപ്പ് വിതറി നന്നായി ഉരച്ച് കഴുകിയാൽ മതി.