വേവിക്കുമ്പോൾ ഗുണങ്ങൾ ഇരട്ടിയാകുന്ന പച്ചക്കറികൾ

വേവിക്കാതെ കഴിക്കുന്ന പച്ചക്കറികൾക്ക് നിരവധി ആരോ​ഗ്യ ​ഗുണങ്ങളുണ്ട്.

എന്നാല്‍ ചില പച്ചക്കറികള്‍ വേവിക്കുമ്പോള്‍ അവയുടെ പോഷക ഗുണങ്ങള്‍ വർധിക്കും.

വെന്ത് കഴിയുമ്പോള്‍ ഇവയിലെ പോഷകാംശങ്ങള്‍ ശരീരത്തിന് ആഗിരണം ചെയ്യാന്‍ എളുപ്പത്തില്‍ സാധിക്കുമെന്നതാണ് ഇതിന് കാരണം.

ഇത്തരത്തിലുള്ള ചില പച്ചക്കറികളെപ്പറ്റി അറിയാം:

ചീര

ചീര പാചകം ചെയ്യുന്നത് അതിൻ്റെ ഓക്സാലിക് ആസിഡ് ഘടകം വിഘടിക്കാനും കാൽസ്യം, ഇരുമ്പ് തുടങ്ങിയ ധാതുക്കൾ ലഭ്യമാകാനും സഹായിക്കുന്നു. ഇത് രക്തത്തിലെ ചുവന്ന രക്താണുക്കളുടെ ഉൽപ്പാദനം, എല്ലുകളുടെ ബലം, രോ​ഗിപ്രതിരോധ ശേഷി തുടങ്ങിയവ മെച്ചപ്പെടുത്താൻ സഹായിക്കുന്നു.

തക്കാളി

തക്കാളി പാചകം ചെയ്യുന്നത് ആൻ്റിഓക്‌സിഡൻ്റായ ലൈക്കോപീൻ്റെ ലഭ്യത വർധിപ്പിക്കുന്നു. ഹൃദ്രോഗം, ചില അർബുദങ്ങൾ എന്നിവയുടെ അപകടസാധ്യത കുറയ്ക്കുന്നതിൽ ലൈക്കോപീൻ പ്രധാന പങ്കു വഹിക്കുന്നു.

കാരറ്റ്

കാരറ്റ് പാചകം ചെയ്യുന്നത് അതിൽ അടങ്ങിയിരിക്കുന്ന ബീറ്റാ കരോട്ടിൻ ലഭ്യത വർധിപ്പിക്കുന്നു. ഇത് കാഴ്ച ശക്തി, പ്രതിരോധ ശേഷി, ചർമത്തിന്റെ ആരോ​ഗ്യം എന്നിവ മെച്ചപ്പെടാൻ സഹായിക്കുന്നു

കൂൺ

കൂൺ പാകം ചെയ്യുന്നത് ബി വിറ്റാമിനുകൾ, സെലിനിയം, കോപ്പർ, പൊട്ടാസ്യം തുടങ്ങിയ അവശ്യ ധാതുക്കളുടെയുെ വിറ്റാമിനുകളുടെയും ലഭ്യത വർധിപ്പിക്കുന്നു. രോഗപ്രതിരോധ ശേഷി, നാഡീ ആരോഗ്യം, ആൻ്റിഓക്‌സിഡൻ്റ് പ്രതിരോധം എന്നിവയെ കൂൺ പ്രോത്സാഹിപ്പിക്കുന്നു.

ബെൽപെപ്പർ

ബെൽപെപ്പർ പാചകം ചെയ്യുന്നത് കണ്ണിൻ്റെ ആരോഗ്യം മെച്ചപ്പെടുത്തുന്ന ബീറ്റാ കരോട്ടിൻ, ല്യൂട്ടിൻ തുടങ്ങിയ കരോട്ടിനോയിഡുകളുടെ ലഭ്യത വർധിപ്പിക്കുന്നു. ഇവയിൽ വിറ്റാമിൻ എ, സി, ഫോളേറ്റ്, ഫൈബർ എന്നിവ ധാരാളം അടങ്ങിയിട്ടുണ്ട്.

മധുരക്കിഴങ്ങ്

മധുരക്കിഴങ്ങ് പാചകം ചെയ്യുന്നത് ബീറ്റാ കരോട്ടിൻ്റെ ലഭ്യത വർധിപ്പിക്കുന്നു. കൂടാതെ മധുരക്കിഴങ്ങിൽ വിറ്റാമിൻ എ, സി, മാംഗനീസ്, നാരുകൾ എന്നിവ ധാരാളം അടങ്ങിയിട്ടുണ്ട്.

ബ്രോക്കോളി

ബ്രോക്കോളി മിതമായി പാചകം ചെയ്യുന്നത് കാൻസർ വിരുദ്ധ ഗുണങ്ങളുള്ള സൾഫോറഫേൻ പോലുള്ള സംയുക്തങ്ങളുടെ ലഭ്യത വർധിപ്പിക്കുന്നു. ബ്രോക്കോളി ആവിയിൽ വേവിക്കുന്നതാണ് ഏറ്റവും ഫലപ്രദം. ഇവയിൽ വൈറ്റമിൻ സി, കെ, ഫൈബർ, ഫോളേറ്റ് എന്നിവ ധാരാളം അടങ്ങിയിട്ടുണ്ട്.