വാഷ്ബേയ്സനിലെ ഈ ചെറിയ ദ്വാരം വെറുതെയല്ല

വീട്, ഓഫീസുകൾ, ഹോട്ടലുകൾ എവിടെയായാലും വാഷ്ബേസിൻ നമ്മൾ കാണാറുണ്ട്. ഇത് പലതവണ ഉപയോഗിക്കാറുമുണ്ട്.

ഉപയോഗത്തിനൊപ്പം തന്നെ വാഷ് ബേസിന്റെ ഭംഗിക്കും ആളുകൾ പ്രാധാന്യം നൽകുന്നുണ്ട്.

ഈ വാഷ്ബേസിനിലെ ഒരു ചെറിയ ദ്വാരം ശ്രദ്ധിച്ചിട്ടുണ്ടോ. ശ്രദ്ധിച്ചിട്ടുള്ളവർ അത് വെറും ഡിസൈന്റെ ഭാഗമെന്ന് തോന്നാം.

എന്നാൽ ആ ചെറിയ ദ്വാരത്തിന് പിന്നിൽ ഒരു വലിയ സുരക്ഷാ മെക്കാനിസമാണ് പ്രവർത്തിക്കുന്നത്. അവ എന്തെല്ലാമെന്ന് നോക്കാം.

വാഷ്ബേസിനിൽ കാണുന്ന ഈ ചെറിയ ദ്വാരത്തിന്റെ പ്രധാന ജോലി ഒവർഫ്ലോ ഒഴിവാക്കുക എന്നതാണ്.

ബേസിന്റെ പ്രധാന ഡ്രെയിൻ തടസപ്പെട്ടാലോ വെള്ളം അതിയായി വന്നാലോ, ഈ ദ്വാരം പ്രവർത്തനക്ഷമമാകുന്നു.

വെള്ളം ഈ ദ്വാരത്തിലൂടെ പുറത്തേക്കൊഴുകി ബാത്ത്റൂമിൽ വെള്ളം നിറയുന്നതിന് തടയിടുന്നു. ഒരു രക്ഷാകവചം പോലെ ഈ ചെറിയ ദ്വാരം പ്രവർത്തിക്കുകയാണ് ചെയ്യുന്നത്.

വാഷ്ബേസിനിൽ നിന്ന് വെള്ളം പുറത്തേക്കൊഴുകുമ്പോൾ അടി ഭാഗത്ത് വായു കുടുങ്ങിയാൽ ഒഴുക്ക് മന്ദഗതിയാകും. ഈ ചെറിയ ദ്വാരം ആ കുടുങ്ങിയ വായു പുറത്തേക്ക് പോകാൻ സഹായിക്കുകയും അതുവഴി വെള്ളം വേഗത്തിൽ സ്മൂത് ആയി ഇറങ്ങുകയും ചെയ്യുന്നു.

ഒന്നോ രണ്ടോ ആഴ്ചകളിൽ ഒരിക്കൽ ഈ ദ്വാരം ശുചിയാക്കുന്നത് നല്ലത്. വാഷ് ബേസിനുകളിൽ മാത്രമല്ല, ബാത്ത് ടബ്ബുകളിലും സമാനമായ ദ്വാരങ്ങളുണ്ട്.