പാൽ തിളച്ച് പൊങ്ങിപ്പോകാതിരിക്കാൻ ഇവ ചെയ്യൂ

പാല്‍ തിളച്ച് പൊങ്ങാതെ തിളപ്പിക്കുക എന്ന് പറയുന്നത് എല്ലാവര്‍ക്കും ബുദ്ധിമുട്ടുള്ള കാര്യമാണ്.

കാരണം നമ്മുടെ ശ്രദ്ധ അല്‍പ്പം തെറ്റിപ്പോയാല്‍ മതി പാൽ തിളച്ചു തൂവി പോകും.

പാൽ തിളച്ച് പൊങ്ങിപ്പോകാതെയിരിക്കാനുള്ള ചില പൊടിക്കൈകള്‍ പരിചയപ്പെടാം.

വലിയ പാത്രം ഉപയോഗിക്കുക

അത്യാവശ്യം വലുപ്പമുള്ള പാത്രം പാൽ തിളപ്പിക്കാൻ എടുക്കുക. വലിപ്പമുള്ള പാത്രം ഉപയോ​ഗിക്കുന്നത് പാലിന് വികസിക്കാൻ ധാരാളം ഇടം ലഭിക്കുകയും പുറത്തേക്ക് ഒഴുകുന്നത് തടയുകയും ചെയ്യും.

കനമുള്ള അടിഭാഗത്തോട് കൂടിയ പാത്രം തിരഞ്ഞെടുക്കുക

പാത്രത്തിന്‍റെ കട്ടിയുള്ള അടിഭാഗം ചൂട് തുല്യമായി വിതരണം ചെയ്യുകയും പാല്‍ പെട്ടെന്ന് തിളച്ചു തൂവിപ്പോകാതിരിക്കാന്‍ സഹായിക്കും.

മരം കൊണ്ടുള്ള തവി

പാല്‍ കവിഞ്ഞൊഴുകാതിരിക്കാൻ പാത്രത്തിനു കുറുകെ മരം കൊണ്ടുള്ള തവി വയ്ക്കുക . ഓരോ തവണ പാല്‍ തിളച്ച് മുകളിലേക്ക് വരുമ്പോഴും, അത് ഈ തവിയില്‍ തട്ടി താഴേയ്ക്ക് തന്നെ തിരിച്ചു പൊയ്ക്കോളും.

ഒരു നുള്ള് ഉപ്പ് ചേർക്കുക

പാലിൽ ഒരു ചെറിയ നുള്ള് ഉപ്പ് ചേർക്കുന്നത് തിളച്ചുതൂവാതിരിക്കാന്‍ വളരെ ഫലപ്രദമാണ്. എന്നാല്‍ അധികം ചേര്‍ക്കാതിരിക്കുക.

ഹീറ്റ് ഡിഫ്യൂസർ ഉപയോഗിക്കുക

ഗ്യാസ് സ്റ്റൗ ഉപയോഗിക്കുന്നവര്‍ക്ക് ഹീറ്റ് ഡിഫ്യൂസർ ഉപയോഗിക്കാം. ഇത് ചൂട് തുല്യമായി വിതരണം ചെയ്യുകയും, പെട്ടെന്നുള്ള തിളച്ചുതൂവല്‍ ഒഴിവാക്കുകയും ചെയ്യുന്നു.

ഒരിക്കലും ശ്രദ്ധിക്കാതെ വിടരുത്

എന്തൊക്കെ പൊടിക്കൈകള്‍ പരീക്ഷിച്ചാലും, പാല്‍ അടുപ്പത്ത് വച്ച ശേഷം അടുക്കളയില്‍ നിന്നും ഒരിക്കലും പുറത്തേക്ക് പോകരുത്. തീ ഇടയ്ക്ക് കൂട്ടുകയും കുറയ്ക്കുകയും ചെയ്യുക.