എന്താണ് അമീബിക് മസ്തിഷ്ക ജ്വരം ?എങ്ങനെ പ്രതിരോധിക്കാം?

അമീബ തലച്ചോറിലേക്ക് പ്രവേശിക്കുക വഴി മസ്തിഷ്‌കത്തിലെ കോശങ്ങള്‍ക്ക് പെട്ടെന്ന് തകരാര്‍ സംഭവിക്കുകയും നീര്‍ക്കെട്ട് ഉണ്ടാവുകയും ചെയ്യുന്ന രോഗാവസ്ഥയാണ് അമീബിക് മസ്തിഷ്ക ജ്വരം. രോ​ഗി ഗുരതരാവസ്ഥയിലാവുകയും മസ്തിഷ്‌ക മരണം സംഭവിക്കുകയും ചെയ്യുന്നു.

തൊണ്ടവേദന, തലവേദന, ഓക്കാനം, ഛർദ്ദി, കടുത്ത പനി, രുചിയും ​ഗന്ധവും അറിയാതെ പോവുക എന്നതാണ് ഈ രോ​ഗത്തിന്റെ പ്രധാന ലക്ഷണങ്ങൾ

തടയുന്നത് എങ്ങനെ?

1: പൂളുകളിലെ വെള്ളം ക്ലോറിനേറ്റ് ചെയ്യുക

2: നന്നായി പരിപാലിക്കപ്പെടാത്ത സ്വിമ്മിംഗ് പൂളുകൾ ഉപയോഗിക്കാതിരിക്കുക

3: മൂക്കിൽ ശക്തമായി വെള്ളം കയറാതിരിക്കാനുള്ള കരുതലോടെ മാത്രം നീന്തൽ, ഡൈവിംഗ് എന്നിവയ്ക്ക് മുതിരുക.

4: തല വെള്ളത്തിൽ മുക്കി വച്ചു കൊണ്ടുള്ള മുഖം കഴുകൽ ഒഴിവാക്കുക.

5: സുരക്ഷിതരായിരിക്കാൻ ശുദ്ധവും ഫിൽട്ടർ ചെയ്തതുമായ വെള്ളം കുടിക്കുക

6: പനി ബാധിതരായ കുട്ടികളെ സ്കൂളിൽ അയയ്ക്കുന്നത് ഒഴിവാക്കാം