പൊള്ളലേറ്റാൽ നമ്മൾ എന്ത് ചെയ്യണം

അടുക്കളയിൽ പാചകം ചെയ്യുന്നതിനിടെയുണ്ടാകുന്ന ചെറിയ പൊള്ളലുകൾ നമുക്ക് എല്ലാവർക്കും ഉണ്ടാകാറുണ്ട്.

പൊള്ളലേറ്റാൽ പെട്ടെന്ന് എന്ത് ചെയ്യണമെന്ന് പലർക്കും അറിയില്ല.

പാചകത്തിനിടെ സംഭവിക്കുന്ന ചെറിയ പൊള്ളലുകൾ സംഭവിക്കുമ്പോൾ ഇക്കാര്യങ്ങൾ ശ്രദ്ധിക്കണം.

തണുത്ത വെള്ളം പൊള്ളിയ ഭാഗത്ത് ഒഴിക്കുക.

തുണിയോ ആഭരണങ്ങളോ പൊള്ളിയ ഭാഗത്തുണ്ടെങ്കിൽ അവ നീക്കം ചെയ്യുക. പൊള്ളിയ ഭാഗത്തു നീര് വന്നാൽ അവ നീക്കം ചെയ്യുന്നതു പ്രയാസകരമാകും.

തൊലിയിൽ തുണിയോ പ്ലാസ്റ്റിക്കോ അല്ലെങ്കിൽ മറ്റ് എന്ത് വസ്തുക്കളോ പറ്റിപിടിച്ചിട്ടുണ്ടെങ്കിൽ വലിച്ചു കളയാന്‍ ശ്രമിക്കരുത്. കാരണം, തൊലി പൊളിയുകയും വേദന ഉണ്ടാവുകയും കൂടാതെ ആ മുറിവ് അണുബാധയ്ക്ക് കാരണമാവുകയും ചെയ്യും. 

പൊള്ളൽമൂലം രൂപപ്പെടുന്ന കുമിളകൾ പൊട്ടിക്കരുത്.

നെയ്യ്, വെണ്ണ, പഞ്ഞി എന്നിവ പൊള്ളിയ ഭാഗത്തു പുരട്ടരുത്. ഇത് ഇൻഫക്‌ഷൻ വരാനിടയാക്കും. പഞ്ഞി ഉപയോഗിച്ചാൽ അതു പൊള്ളലിൽ ഒട്ടിപ്പിടിക്കും.

ചെറിയ പൊള്ളലാണെങ്കിൽ പൊള്ളലേറ്റ് ഭാ​ഗത്ത് ഐസ് ക്യൂബ് അഞ്ചോ പത്തോ മിനിറ്റ് വയ്ക്കുന്നത് വേദന കുറയാൻ സഹായിക്കും.

മുറിവുകളിൽ നിന്നു വെള്ളം ഒലിക്കുന്നുണ്ടെങ്കിൽ ആന്റിബയോട്ടിക് ഓയിന്റ്മെന്റ് മാത്രം ഉപയോഗിക്കുക.മറ്റ് ഓയിന്റ്മെന്റുകൾ ഉപയോഗിക്കരുത്.

വലിയ പൊള്ളലാണെങ്കിൽ നിർബന്ധമായും ആശുപത്രിയിൽ പോകണം. ആശുപത്രിയിലേക്ക് കൊണ്ടു പോകുമ്പോള്‍ അണുബാധ ഉണ്ടാകാതിരിക്കാന്‍ ശുദ്ധമായ തുണി കൊണ്ട് പൊതിയേണ്ടത് ആവശ്യമാണ്.