ചെവിയില്‍ പ്രാണി കയറിയാല്‍ എന്ത് ചെയ്യണം?

ശരീരത്തിന്റെ ബാലന്‍സ് നിലനിര്‍ത്തുന്നതിനുള്ള സവിശേഷ സ്ഥാനം കൂടിയാണ് ചെവി. അതിനാല്‍ ചെവിയുടെ ആരോഗ്യത്തില്‍ വളരെയധികം ശ്രദ്ധിക്കേണ്ടതുണ്ട്.

ചെവിയില്‍ വെള്ളം കയറുക, പ്രാണി കയറുക, മുറിവുകള്‍, ചെറിയ പോറല്‍ തുടങ്ങിയവ ഏല്‍ക്കുന്നത് ചെവിയുടെ ആരോഗ്യത്തെ തന്നെ ദോഷകരമായി ബാധിക്കും.

ചെവിയുടെ ആരോഗ്യത്തിനായി സ്വീകരിക്കാവുന്ന ചില മുന്‍കരുതലുകള്‍ ഇതാ

ചെവിയില്‍ പ്രാണി കയറിയാല്‍ ചെറിയ ഉള്ളി ചേര്‍ത്ത് മൂപ്പിച്ച നല്ലെണ്ണ നേര്‍ത്ത ചൂടില്‍ ചെവിയിലൊഴിക്കുക.

എള്ള് ഏലത്തിരി, ചെറുപയര്‍, കുറുന്തോട്ടി വേര് ഇവ പൊടിച്ച് തിരിയാക്കി കടുംകെണ്ണയില്‍ മുക്കി കത്തിച്ച് അതിലെ പുക ചെവിയില്‍ ഏല്‍പ്പിച്ചാല്‍ ചെവിയില്‍ കയറിയ പ്രാണിയെ എളുപ്പത്തില്‍ പുറത്തേക്കെത്തിക്കാം.

ഏത് ചെവിയിലാണോ പ്രാണി കയറിയത് ആ ചെവി ചെരിച്ച് വെച്ച് കുറച്ച് സമയം കിടക്കുക. ഇത് പ്രാണി പോകുന്നതിന് സഹായിക്കുന്നു.

ചെവിയിൽ പ്രാണി പോയാൽ മുക്കും വായയും രണ്ടാമത്തെ ചെവിയും അടച്ച് പിടിച്ച് കുറച്ച് നേരം നിൽക്കുക. ഇത് ചെവിയിൽ നിന്നും പ്രാണി പോകുന്നത് എളുപ്പമാക്കുന്നു.

വയമ്പ്, വെളുത്തുള്ളി, വരട്ടുമഞ്ഞള്‍ എന്നിവ കൂവളത്തില നീരും ചേര്‍ത്ത് എണ്ണ കാച്ചി പുരട്ടിയാല്‍ ചെവിയില്‍ പഴുപ്പുണ്ടാവുന്നത് തടയാം.

പൊട്ടിയൊലിക്കലോടു കൂടാതെ നീരിറക്കത്തിന്റെ ഭാഗമായ ചെവിവേദനയ്ക്ക് രാസ്‌നാദി ചൂര്‍ണം കുറുക്കി ചെറുചൂടോടെ ലേപനമിടുക. ത്രിഫല പഞ്ചകോലം കൊണ്ട് കവിള്‍ കൊള്ളുക.