കാറില്‍ യാത്ര ചെയ്യുമ്പോൾ പിന്നിലും വേണം കേട്ടോ സംരക്ഷണം

വാഹനം ഓടിക്കുമ്പോൾ പൊതുവെ മുന്നിലിരിക്കുന്ന യാത്രക്കാർ മാത്രം സീറ്റ്ബെൽറ്റ് ധരിക്കുന്ന പ്രവണതയുള്ളത്.

എന്നാൽ അപകടം സംഭവിക്കുമ്പോൾ മുന്നിലും പിന്നിലും ഇരിക്കുന്ന യാത്രക്കാർക്ക് പരിക്കേൽക്കുന്നു.

വാഹനത്തിൽ യാത്ര ചെയ്യുന്നവരെ അപകടത്തിൽ നിന്നും ഒരു പരിധി വരെ സംരക്ഷിക്കുന്നതാണ് സീറ്റ് ബെൽറ്റുകൾ.

എന്നാൽ പിന്നിലിരിക്കുന്ന യാത്രക്കാർ സീറ്റ്ബെൽറ്റ് ധരിക്കാത്ത പക്ഷം, അവർക്ക് മാത്രമല്ല, മുന്നിൽ ഇരിക്കുന്നവർക്കും ഗുരുതരമായ അപകടം സംഭവിക്കാൻ സാധ്യതയുണ്ട്.

വാഹനത്തിൽ സഞ്ചരിക്കുമ്പോൾ മുന്നിലായാലും പിന്നിലായാലും എല്ലാ യാത്രക്കാരും സീറ്റ്ബെൽറ്റ് ധരിക്കേണ്ടത് നിയമപരമായും സുരക്ഷക്കായും നിർബന്ധമാണ്.

യാത്രയുടെ ആരംഭത്തിൽ തന്നെ എല്ലാവരും സീറ്റ്ബെൽറ്റ് ധരിച്ചിരിക്കുന്നുവെന്ന് ഉറപ്പാക്കണം.

സെക്കൻഡറി, ടെറിഷറി ഇംപാക്ടുകളിൽ നിന്ന് സംരക്ഷണം നൽകുന്ന സീറ്റ് ബെൽറ്റ് യാത്രക്കാർ വാഹനത്തിൽ നിന്ന് തെറിച്ചു പോകുന്നതും, ഗുരുതര പരിക്കുകൾ സംഭവിക്കുന്നതും തടയുന്നു.

കാറപകടങ്ങളിൽ 45% മരണവും, 60% ഗുരുതര പരിക്കുകളും സീറ്റ് ബെൽറ്റ് ധരിച്ചാൽ ഒഴിവാക്കാൻ സാധിക്കും.

സുരക്ഷാ മാനദണ്ഡങ്ങൾ കൃത്യമായി പാലിക്കുകയും, ഓരോ യാത്രയും സുരക്ഷിതമാക്കുകയും ചെയ്യുക.