ലഗോണോ, ബ്രോയിലറോ? കോഴിയിറച്ചിയിൽ ഏതാണ് നല്ലത്?

നമ്മൾ ദിവസവും ഉപയോഗിക്കുന്ന കോഴിയിറച്ചിയിൽ ഏതാണ് ശരിക്കും നല്ലത് എന്ന സംശയം പലർക്കും ഉണ്ടാകാറുണ്ട്.

രുചി, പോഷകഗുണങ്ങൾ, വളർത്തുന്ന രീതി എന്നിവയിൽ ല​ഗോണിനും ബ്രോയിലറിനും വ്യക്തമായ വ്യത്യാസങ്ങളുണ്ട്.

നിങ്ങളുടെ ആരോഗ്യത്തിനും ഭക്ഷണരുചിക്കും അനുയോജ്യമായത് ഏതാണ് എന്ന് മനസിലാക്കാൻ ഈ വ്യത്യാസങ്ങൾ അറിയേണ്ടത് വളരെ പ്രധാനമാണ്

ഉപയോഗവും വളർച്ചയും:

ലഗോൺ

ഇവയെ പ്രധാനമായും മുട്ടയ്ക്ക് വേണ്ടിയാണ് വളർത്തുന്നത്. മുട്ടയിടീൽ പ്രായം കഴിഞ്ഞ ശേഷമാണ് സാധാരണയായി ഇവയെ ഇറച്ചിക്കായി വിൽക്കുന്നത്.

ബ്രോയിലർ

ഇവയെ ഇറച്ചിക്ക് വേണ്ടി മാത്രം പ്രത്യേകമായി, വളരെ വേഗത്തിൽ (ഏകദേശം 40-45 ദിവസം കൊണ്ട്) വളർത്തിയെടുക്കുന്നതാണ്.

ഇറച്ചിയുടെ സ്വഭാവം:

ലഗോൺ

ഇറച്ചിക്ക് നല്ല കട്ടിയും എല്ലുകൾക്ക് നല്ല ഉറപ്പും ഉണ്ടായിരിക്കും.

ബ്രോയിലർ

ഇറച്ചി വളരെ മൃദുലവും മാംസളവുമാണ്.

പാചക സമയം:

ലഗോൺ

വേവാൻ കൂടുതൽ സമയമെടുക്കുന്നതിനാൽ പ്രഷർ കുക്കറിൽ വേവിക്കുന്നതാണ് എളുപ്പം.

ബ്രോയിലർ

വളരെ പെട്ടെന്ന് വെന്തു കിട്ടും.

കൊഴുപ്പ്:

ലഗോൺ

കൊഴുപ്പിന്റെ അംശം വളരെ കുറവായിരിക്കും.

ബ്രോയിലർ

മാംസത്തിനൊപ്പം കൊഴുപ്പും കൂടുതലായിരിക്കും.

ഏതാണ് കൂടുതൽ നല്ലത്?

ഏതാണ് നല്ലത് എന്നത് നിങ്ങൾ എന്ത് വിഭവമാണ് ഉണ്ടാക്കാൻ ഉദ്ദേശിക്കുന്നത് എന്നതിനെയും നിങ്ങളുടെ വ്യക്തിപരമായ ഇഷ്ടത്തെയും ആശ്രയിച്ചിരിക്കും.

കറികൾക്കും നാടൻ രുചിക്കും ലഗോൺ ആണ് നല്ലത്. ഇത് കൂടുതൽ സമയം വേവിക്കുന്നതുകൊണ്ട് മസാലകൾ ഇറച്ചിയിൽ നന്നായി പിടിക്കുകയും, ഏകദേശം നാടൻ കോഴിയുടേതിന് സമാനമായ രുചി നൽകുകയും ചെയ്യും.

കൊഴുപ്പ് കുറവായതുകൊണ്ട് ആരോഗ്യപരമായ കാരണങ്ങളാലും ചിലർ ഇത് തിരഞ്ഞെടുക്കാറുണ്ട്.

ഫ്രൈ, റോസ്റ്റ്, ബിരിയാണി ബ്രോയിലർ ആണ് നല്ലത്.

കുട്ടികൾക്കും പ്രായമായവർക്കും എളുപ്പത്തിൽ ചവച്ചരച്ച് കഴിക്കാൻ മൃദുവായ ബ്രോയിലർ ഇറച്ചിയാണ് നല്ലത്.