കൂടുതല്‍ ആദായ നികുതി അടച്ച ക്രിക്കറ്റ് താരങ്ങള്‍ ആരെല്ലാം? പട്ടിക ഇങ്ങനെ

2023-24 സാമ്പത്തികവര്‍ഷത്തില്‍ ഏറ്റവുമധികം നികുതി അടച്ച ക്രിക്കറ്റ് താരം വിരാട് കോഹ് ലിയാണ്.

ക്രിക്കറ്റില്‍ നിന്ന് ഇടവേള എടുത്ത് കുടുബത്തോടൊപ്പം ലണ്ടനില്‍ അവധി ആഘോഷിക്കുന്ന കോഹ് ലി 66 കോടിയാണ് ആദായനികുതിയായി അടച്ചത്. ഇന്ത്യയിലെ മൊത്തം കായിക താരങ്ങളില്‍ ഏറ്റവുമധികം നികുതി അടച്ചതും കോഹ് ലി തന്നെയാണ്.

രണ്ടാം സ്ഥാനത്ത് മുന്‍ ക്യാപ്റ്റന്‍ എംഎസ് ധോനി ആണ്. 38 കോടിയുടെ നികുതിയാണ് അടച്ചത്.

ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കര്‍ ആണ് മൂന്നാം സ്ഥാനത്ത്. 28 കോടിയാണ് നികുതിയായി അടച്ചത്.

മുന്‍ ഇന്ത്യന്‍ നായകന്‍ സൗരവ് ഗാംഗുലിയാണ് നാലാം സ്ഥാനത്ത്. 23 കോടിയുടെ നികുതിയാണ് അടച്ചത്.

ഹര്‍ദിക് പാണ്ഡ്യയാണ് അഞ്ചാം സ്ഥാനത്ത്. കഴിഞ്ഞ സാമ്പത്തികവര്‍ഷം 13 കോടിയാണ് നികുതിയായി അടച്ചത്

ഐപിഎല്‍ ഫ്രാഞ്ചൈസിയായ കൊല്‍ക്കത്ത നൈറ്റ് റൈഡേഴ്‌സ് ഉടമയും ബോളിവുഡ് നടനുമായ ഷാരൂഖ് ഖാന്‍ ആണ് ഓവറോള്‍ പട്ടികയില്‍ മുന്നില്‍. 92 കോടിയാണ് നികുതിയായി അടച്ചത്.