സമകാലിക മലയാളം ഡെസ്ക്
ടാറ്റ ട്രസ്റ്റ് ചെയര്‍മാന്‍ സ്ഥാനത്തേയ്ക്ക് തെരഞ്ഞെടുക്കപ്പെട്ട നോയല്‍ ടാറ്റ, രത്തന്‍ ടാറ്റയുടെ അര്‍ധ സഹോദരനാണ്
നേവല്‍ ടാറ്റയുടെ രണ്ടാം വിവാഹത്തിലുള്ള മകനാണ് നോയല്‍ ടാറ്റ. സര്‍ ദോറാബ്ജി ടാറ്റ ട്രസ്റ്റിന്റെയും സര്‍ രത്തന്‍ ടാറ്റ ട്രസ്റ്റിന്റെയും ബോര്‍ഡില്‍ ട്രസ്റ്റിയാണ്.
വാച്ച് നിര്‍മ്മാതാക്കളായ ടൈറ്റന്റെയും ടാറ്റാ സ്റ്റീലിന്റെയും വൈസ് ചെയര്‍മാനാണ്. ടാറ്റ ഗ്രൂപ്പിന്റെ റീട്ടെയില്‍ കമ്പനിയായ ട്രെന്റിന്റെയും (സുഡിയോയുടെയും വെസ്റ്റ്‌സൈഡിന്റെയും) എന്‍ബിഎഫ്‌സി സ്ഥാപനമായ ടാറ്റ ഇന്‍വെസ്റ്റ്മെന്റ് കോര്‍പ്പറേഷന്റെയും ചെയര്‍മാന്‍ കൂടിയാണ് ഇദ്ദേഹം. 700ലധികം സ്റ്റോറുകളിലേക്കുള്ള ട്രെൻ്റിൻ്റെ വളർച്ചയിൽ പ്രധാന പങ്ക് വഹിച്ചു. വോള്‍ട്ടാസ് ബോര്‍ഡിലും പ്രവര്‍ത്തിക്കുന്നുണ്ട്.
കരിയര്‍ ആരംഭിച്ച ടാറ്റ ഇന്റര്‍നാഷണലിന്റെ മാനേജിങ് ഡയറക്ടര്‍ കൂടിയാണ് നോയല്‍. വിദേശത്ത് വാഗ്ദാനം ചെയ്യുന്ന ഉല്‍പ്പന്നങ്ങള്‍ക്കും സേവനങ്ങള്‍ക്കുമായി ടാറ്റ ഗ്രൂപ്പിന്റെ വിഭാഗമാണ് ടാറ്റ ഇന്റര്‍നാഷണല്‍.
സസെക്‌സ് സര്‍വകലാശാലയില്‍ നിന്ന് (യുകെ) ബിരുദം നേടി. ഫ്രാന്‍സിലെ INSEADല്‍ നിന്ന് ഇന്റര്‍നാഷണല്‍ എക്‌സിക്യൂട്ടീവ് പ്രോഗ്രാം പൂര്‍ത്തിയാക്കി. നോയല്‍ നേരത്തെ യുകെയിലെ നെസ്ലെയില്‍ പ്രവര്‍ത്തിച്ചിരുന്നു.
ഐറിഷ് പൗരനായ നോയല്‍ ടാറ്റ വിവാഹം കഴിച്ചത് ടാറ്റ സണ്‍സിലെ ഏറ്റവും വലിയ ഏക ഓഹരി ഉടമയായിരുന്ന പല്ലോന്‍ജി മിസ്ത്രിയുടെ മകള്‍ ആലു മിസ്ത്രിയെയാണ്. അവര്‍ക്ക് മൂന്ന് മക്കളുണ്ട്: ലിയ, മായ, നെവില്‍.
ടാറ്റ ട്രസ്റ്റിന്റെ വെബ്സൈറ്റ് പ്രകാരം കുടുംബവുമായി ബന്ധപ്പെട്ട ചില ചാരിറ്റികളുടെ ട്രസ്റ്റിമാരാണ് അദ്ദേഹത്തിന്റെ മക്കള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates