പാക്കറ്റ് ഭക്ഷണങ്ങളിലെ ഈ ചിഹ്നങ്ങൾ എന്തിന്?

പാക്കറ്റ് ഭക്ഷണങ്ങൾ കടയിൽ നിന്നും വാങ്ങി ഉപയോ​ഗിക്കുന്നവരാണ് നമ്മളിൽ പല ആളുകളും.

എന്തൊക്കെ പദാർത്ഥങ്ങളാണ് ഈ പാക്കറ്റ് ഭക്ഷണങ്ങളിൽ ഉൾപ്പെടുത്തിയിട്ടുള്ളത് എന്ന് മിക്ക ആളുകളും നോക്കാറുണ്ട്.

എന്നാൽ ചില പാക്കറ്റുകളിൽ ‌നൽകിയിരിക്കുന്ന ചിഹ്നങ്ങൾ നിങ്ങൾ ശ്രദ്ധിക്കാറുണ്ടോ ?

പാക്കറ്റ് ഭക്ഷണത്തിലെ ചേരുവകളെക്കുറിച്ചും ഗുണനിലവാരത്തെക്കുറിച്ചും വേഗത്തിൽ മനസ്സിലാക്കാൻ സഹായിക്കുന്നവയാണ് ഈ ചിഹ്നങ്ങൾ.

ഉപഭോക്താക്കൾക്ക് സുരക്ഷിതമായ ഭക്ഷണ തിരഞ്ഞെടുപ്പുകൾ നടത്താൻ ഈ ചിഹ്നങ്ങൾ സഹായിക്കുന്നു.

ഒരു പച്ച ചതുരത്തിനുള്ളിലെ പച്ച വട്ടം ആ ഉൽപ്പന്നം പൂർണ്ണമായും സസ്യാഹാരമാണെന്ന് സൂചിപ്പിക്കുന്നു. ഇതിൽ ഇറച്ചി, മീൻ അല്ലെങ്കിൽ മുട്ട എന്നിവ അടങ്ങിയിട്ടില്ലെന്നും സസ്യങ്ങളിൽ നിന്നുള്ള ചേരുവകളോ തേൻ, പാൽ ഉൽപ്പന്നങ്ങളോ മാത്രമേ ഉള്ളൂ എന്നും ഇത് ഉറപ്പാക്കുന്നു.

തവിട്ട് നിറത്തിലുള്ള ത്രികോണം ഒരു ചതുരത്തിനുള്ളിൽ കാണുന്നത് ആ ഉൽപ്പന്നം മാംസാഹാരമാണെന്ന് (ഇറച്ചി, മീൻ, മുട്ട അല്ലെങ്കിൽ പക്ഷികളിൽ നിന്നുള്ള ചേരുവകൾ) അർത്ഥമാക്കുന്നു. 2021-ലാണ് പഴയ ചുവന്ന വട്ടത്തിന് പകരം ഈ ത്രികോണ ചിഹ്നം നിലവിൽ വന്നത്.

ചതുരത്തിനുള്ളിലെ കറുത്ത ‘X’ ചിഹ്നം ആ ഉൽപ്പന്നം മനുഷ്യർക്ക് കഴിക്കാൻ അനുയോജ്യമല്ല എന്ന് കാണിക്കുന്നു. സാധാരണയായി വ്യവസായ ആവശ്യങ്ങൾക്കുള്ള സാധനങ്ങളിലാണ് ഇത് കാണാറുള്ളത്.

നീല ലേബൽ ഒരു ചിഹ്നം ആണ്. ഇത് സാധാരണ ഭക്ഷണങ്ങളിൽ കാണാറില്ല. ചികിത്സാ ആവശ്യങ്ങൾക്കോ ആരോഗ്യപരമായ പ്രത്യേക നിർദ്ദേശങ്ങൾക്കോ വേണ്ടി ഉപയോഗിക്കുന്ന പോഷക ആഹാരങ്ങളിലാണ് ഈ നീല ലേബൽ ഉണ്ടാകുക. ഇവ ഡോക്ടറുടെ നിർദ്ദേശപ്രകാരം മാത്രമേ ഉപയോഗിക്കാവൂ.

ഭക്ഷണത്തിൽ ഉയർന്ന അളവിൽ പ്രിസർവേറ്റീവുകൾ, കൃത്രിമ നിറങ്ങൾ അല്ലെങ്കിൽ രുചി വർദ്ധിപ്പിക്കുന്ന ഘടകങ്ങൾ അടങ്ങിയിട്ടുണ്ടെന്ന് സൂചിപ്പിക്കുന്നവയാണ് കറുത്ത ചിഹ്നം. അമിതമായി സംസ്കരിച്ച ഭക്ഷണങ്ങളിൽ ഈ ചിഹ്നം കാണാം.

ഈ ലേബലുകളെല്ലാം ഫുഡ് സേഫ്റ്റി ആൻഡ് സ്റ്റാൻഡേർഡ് അതോറിറ്റി ഓഫ് ഇന്ത്യ 2006-ലെ നിയമപ്രകാരം നടപ്പിലാക്കിയതാണ്.