സ്വാതന്ത്ര്യദിനത്തിൽ പതാക ഉയർത്താൻ ചെങ്കോട്ട തിരഞ്ഞെടുത്തതിന് കാരണമെന്ത്? ചരിത്രം പറയുന്നത് ഇങ്ങനെ

ഡൽഹിയിലെ ചെങ്കോട്ടയ്ക്കു മുകളിൽ ഓരോ ഓഗസ്റ്റ് 15നും ത്രിവർണ പതാക ഉയരുമ്പോൾ അത് ഒരു പതിവ് ചടങ്ങ് മാത്രമല്ല. ഇന്ത്യയുടെ സ്വാതന്ത്ര്യചരിത്രവുമായി ബന്ധപ്പെട്ട പ്രതീകമാണ്. എന്തുകൊണ്ടാണ് സ്വാതന്ത്ര്യദിനത്തിലെ പ്രധാന ചടങ്ങുകൾക്കായി ചെങ്കോട്ട തന്നെ തിരഞ്ഞെടുത്തത്?

1947 ഓഗസ്റ്റ് 15ന് ഇന്ത്യ സ്വാതന്ത്ര്യം നേടിയപ്പോൾ രാജ്യത്തെ ആദ്യ പ്രധാനമന്ത്രി ജവഹർലാൽ നെഹ്റു ചെങ്കോട്ടയിൽ ദേശീയപതാക ഉയർത്തിയാണ് രാജ്യത്തെ അഭിസംബോധന ചെയ്തത്.

അന്നുമുതൽ എല്ലാ പ്രധാനമന്ത്രിമാരും സ്വാതന്ത്ര്യദിനത്തിൽ ചെങ്കോട്ടയിൽ ത്രിവർണ പതാക ഉയർത്തുകയും രാജ്യത്തെ അഭിസംബോധന ചെയ്യുകയും ചെയ്യുന്നു.

ചെങ്കോട്ടയുടെ ചരിത്രം സ്വാതന്ത്ര്യസമരകാലത്ത് ആരംഭിക്കുന്നതല്ല. മുഗൾ ചക്രവർത്തിയായിരുന്ന ഷാജഹാനാണ് പതിനേഴാം നൂറ്റാണ്ടിൽ ചെങ്കോട്ട പണികഴിപ്പിച്ചത്. പിന്നീട് മുഗൾ ഭരണത്തിന്റെ പ്രധാന കേന്ദ്രമായി മാറി ചെങ്കോ‌ട്ട.

ചുവന്ന മണൽക്കല്ലുകൊണ്ടുള്ള കൂറ്റൻ മതിലുകളാണ് കോട്ടയ്ക്ക് അതിന്റെ സവിശേഷമായ രൂപം നൽകുന്നത്. രാജകീയ ചടങ്ങുകൾക്കും പ്രധാനപ്പെട്ട ഒത്തുചേരലുകൾക്കും കോട്ട വേദിയായിരുന്നു

മുഗൾ ചക്രവർത്തിമാരുടെ അധികാരത്തിന്റെ പ്രതീകമായിരുന്ന ചെങ്കോട്ട, പിന്നീട് ബ്രിട്ടീഷ് ഭരണകാലത്തും ചരിത്രത്തിലെ നിർണായക സംഭവങ്ങൾക്ക് സാക്ഷിയായി. സ്വാതന്ത്ര്യസമരത്തിന്റെ അവസാനഘട്ടത്തിലും കോട്ടയ്ക്ക് പ്രത്യേക സ്ഥാനമുണ്ടായിരുന്നു.

ഓഗസ്റ്റ് 15ന് പ്രധാനമന്ത്രി ചെങ്കോട്ടയിൽ ദേശീയപതാക ഉയർത്തുന്നതിനു പിന്നാലെ രാജ്യത്തെ അഭിസംബോധന ചെയ്യും. ചടങ്ങിൽ രാഷ്ട്രപതി, കേന്ദ്രമന്ത്രിമാർ, വിവിധ മേഖലകളിലെ പ്രമുഖർ തുടങ്ങിയവരും പങ്കെടുക്കും.

ഒരിക്കൽ മുഗൾ ചക്രവർത്തിമാരുടെ രാജകീയ വസതിയായിരുന്ന ചെങ്കോട്ട ഇന്ന് സ്വതന്ത്ര ഇന്ത്യയുടെ ദേശീയ അഭിമാനത്തിന്റെ പ്രതീകമാണ്.