സമകാലിക മലയാളം ഡെസ്ക്
ആഗോള സാമ്പത്തികരംഗത്ത് നിലനില്‍ക്കുന്ന അനിശ്ചിതാവസ്ഥ മൂലം ഇന്ത്യന്‍ ഓഹരി വിപണി ചാഞ്ചാട്ടത്തിലാണ്.
ഇന്ത്യന്‍ സമ്പദ് വ്യവസ്ഥ ശക്തമായതിനാല്‍ ഓഹരി വിപണി സമീപഭാവിയില്‍ തന്നെ ശക്തമായി തിരിച്ചുവരുമെന്നാണ് വിപണി വിദഗ്ധരുടെ അഭിപ്രായം
നിരവധി ആളുകളുടെ കയ്യില്‍ നിന്ന് ചെറിയ തുകകള്‍ സ്വരുക്കൂട്ടി വലിയ തുകയാക്കി ഫണ്ട് മാനേജര്‍ ഓഹരികളിലോ കടപ്പത്രങ്ങളിലേ നിക്ഷേപിക്കുന്നതാണ് മ്യൂച്ചല്‍ ഫണ്ട്
മ്യൂച്ചല്‍ ഫണ്ടിലേക്കുള്ള നിക്ഷേപം മാസംതോറും ഗഡുക്കളായി നടത്തുന്നതാണ് സിസ്റ്റമാറ്റിക് ഇന്‍വെസ്റ്റ്മെന്റ് പ്ലാന്‍( എസ്ഐപി). എസ്‌ഐപിയില്‍ 250 രൂപ മുതല്‍ നിക്ഷേപിക്കാന്‍ സാധിക്കും
ഇക്വിറ്റി മ്യൂച്ചല്‍ ഫണ്ടുകളില്‍ പ്രതിമാസം 21000 രൂപയുടെ എസ്ഐപി നിക്ഷേപം നടത്തിയാല്‍ 34 വര്‍ഷത്തിനുള്ളില്‍ പത്തു കോടി രൂപ സമ്പാദിക്കാന്‍ കഴിയുമെന്നാണ് വിദഗ്ധരുടെ അവകാശവാദം
25-ാം വയസില്‍ നിക്ഷേപം തുടങ്ങിയാല്‍ 59-ാം വയസില്‍ പത്തുകോടി രൂപ സമ്പാദിക്കാന്‍ കഴിയുമെന്നാണ് വിദഗ്ധര്‍ പറയുന്നത്
പ്രതിമാസം 21000 രൂപ വീതം 34 വര്‍ഷം നിക്ഷേപിക്കുകയാണെങ്കില്‍ മൊത്തം നിക്ഷേപം 85,68,000 രൂപയാണ് വരിക.
ഇതില്‍ നിന്നുള്ള മൂലധന നേട്ടം 9,45,20,712 രൂപയായിരിക്കും. അങ്ങനെ വരുമ്പോള്‍ 34 വര്‍ഷം കഴിയുമ്പോള്‍ മൊത്തം 10,30,88,712 കോടി രൂപയാണ് ലഭിക്കുക.
ശരാശരി വര്‍ഷംതോറും 12 ശതമാനം റിട്ടേണ്‍ ലഭിക്കുമെന്ന അനുമാനത്തിലാണ് ഈ കണക്ക്. എസ്ഐപി വിപണി അധിഷ്ഠിതമായത് കൊണ്ട് റിട്ടേണിന് ഗ്യാരണ്ടി നല്‍കാന്‍ സാധിക്കില്ല. എങ്കിലും ദീര്‍ഘകാലം ലക്ഷ്യമിട്ട് നിക്ഷേപം നടത്തിയാല്‍ നേട്ടം ഉണ്ടാക്കാന്‍ കഴിയുമെന്നാണ് വിദഗ്ധരുടെ അഭിപ്രായം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates