'വാഹ് താജ്! ടൂറിസ്റ്റുകള്‍ക്ക് പ്രിയം ഈ സ്ഥലങ്ങള്‍

2023 ലും 2024ലും ദേശീയ, അന്തര്‍ദേശീയ ടൂറിസ്റ്റുകള്‍ ഏറ്റവും കൂടുതല്‍ സന്ദര്‍ശിച്ച ഇന്ത്യയിലെ 10 സ്ഥലങ്ങള്‍ ഏതൊക്കെയാണെന്ന് നോക്കാം

താജ്മഹല്‍ - ആഗ്ര

ഇതില്‍ ഏറ്റവും മുന്നില്‍ നില്‍ക്കുന്നത് താജ്മഹല്‍ തന്നെയാണ്. 2022-23 വര്‍ഷത്തില്‍ 50.53 ലക്ഷം പേരാണ് താജ്മഹല്‍ സന്ദര്‍ശിച്ചത്. തൊടടുത്ത വര്‍ഷം അതിനേക്കാള്‍ വര്‍ധനവുണ്ടായി. 2023-24 വര്‍ഷത്തില്‍ 60.99 ലക്ഷം ആളുകളാണ് താജ്മഹല്‍ കാണാനെത്തിയത്.

സൂര്യക്ഷേത്രം-കൊണാര്‍ക്ക്

2022-23 വര്‍ഷത്തില്‍ 24.05 ലക്ഷം പേരാണ് സൂര്യക്ഷേത്രം കാണാനെത്തിയതെങ്കില്‍ അടുത്ത വര്‍ഷം 31.97 പേരാണ് സന്ദര്‍ശകര്‍

കുത്തബ്മിനാര്‍-ന്യൂഡല്‍ഹി

2022-23 വര്‍ഷത്തില്‍ 17.68 ലക്ഷം പേരാണ് കുത്തബ്മിനാര്‍ കാണാനെത്തിയത്. അടുത്ത വര്‍ഷം നല്ല വര്‍ധനവാണുണ്ടായത്. 2023-24 വര്‍ഷത്തില്‍ 31.24 ലക്ഷം പേരാണ് ഇവിടം സന്ദര്‍ശിക്കാനെത്തിയത്.

റെഡ് ഫോര്‍ട്ട്-ന്യൂഡല്‍ഹി

2022-23 വര്‍ഷത്തില്‍ 22.15 ലക്ഷം പേരാണ് റെഡ് ഫോര്‍ട്ട് സന്ദര്‍ശിച്ചതെങ്കില്‍ 27.94 പേരാണ് തൊട്ടടുത്ത വര്‍ഷം ഇവിടുത്തെ സന്ദര്‍ശകര്‍

എല്ലോറ ഗുഹ-ഔറംഗാബാദ്

2022-23 വര്‍ഷത്തില്‍ 14.38 ലക്ഷം പേരാണ് എല്ലോറ ഗുഹ സന്ദര്‍ശിച്ചത്. 17.41 പേരാണ് തൊട്ടടുത്ത വര്‍ഷം ഇവിടം സന്ദര്‍ശിച്ചത്.

ഗോല്‍കൊണ്ട ഫോര്‍ട്ട്- ഹൈദരാബാദ്

15.27 ലക്ഷം പേരാണ് 2022-23 വര്‍ഷത്തില്‍ ഇവിടെ സന്ദര്‍ശിച്ചത്. തൊട്ടടുത്ത വര്‍ഷത്തില്‍ നേരിയ വര്‍ധനവാണുണ്ടായത്. 16.08 ലക്ഷം പേരാണ് അടുത്ത വര്‍ഷം സന്ദര്‍ശിച്ചത്.

ആഗ്ര ഫോര്‍ട്ട്- ആഗ്ര

17.22 ലക്ഷം പേരാണ് 2022-23 വര്‍ഷത്തില്‍ ഇവിടം സന്ദര്‍ശിച്ചത്. തൊട്ടടുത്ത വര്‍ഷം 16.08 ലക്ഷം പേരാണ് സന്ദര്‍ശിച്ചത്. ഒരു വര്‍ഷത്തില്‍ ഇവിടെ സന്ദര്‍ശകരുടെ എണ്ണം കുറയുകയാണ് ചെയ്തത്.

ബീബീ കാ മക്ബാര- ഔറംഗാബാദ്

11.83 ലക്ഷം പേര്‍ 2023ല്‍ ഇവിടെ സന്ദര്‍ശകരായെത്തി. തൊട്ടടുത്ത വര്‍ഷം 12.95 ലക്ഷം പേര്‍ സന്ദര്‍ശിച്ചു

ചാര്‍മിനാര്‍-ഹൈദരാബാദ്

9.29 ലക്ഷം പേരാണ് ചാര്‍മിനാര്‍ 2022-23 വര്‍ഷത്തില്‍ സന്ദര്‍ശിച്ചത്. 12.90 പേരാണ് തൊട്ടടുത്ത വര്‍ഷം ചാര്‍മിനാര്‍ സന്ദര്‍ശിച്ചത്.

ഷാനിവാര്‍ വാഡ-പൂനെ

2022-23 വര്‍ഷത്തില്‍ 10.8 ലക്ഷം പേരാണ് ഇവിടം സന്ദര്‍ശിച്ചത്. അടുത്ത വര്‍ഷം ഇത് 12.61 ലക്ഷം പേരായി.

മറ്റുള്ള ടൂറിസ്റ്റ് സ്ഥലങ്ങളിലെല്ലാമായി 285.81 ലക്ഷം പേര്‍ 2022-23 വര്‍ഷത്തില്‍ സന്ദര്‍ശിക്കുകയും തൊട്ടടുത്ത വര്‍ഷം 530.90 പേര്‍ സന്ദര്‍ശിക്കുകയും ചെയ്തു.