ഇനി മുതൽ ഈസിയായി ഫാന്‍ വൃത്തിയാക്കാം

വീടും പരിസരവും വൃത്തിയാക്കി സൂക്ഷിക്കുമ്പോഴും മറന്നുപോകുന്നൊരു കാര്യം ഫാനിന്റേതാണ്.

പൊടിനിറഞ്ഞ് നിറം മാറുമ്പോഴായിരിക്കും ഇതൊന്ന് വൃത്തിയാക്കണമല്ലോ എന്ന് ചിന്തിക്കുക.

ഇനി അതിന് കാത്തിരിക്കേണ്ട, ഈസിയായി ഫാന്‍ വൃത്തിയാക്കാം.

ഒരു പഴയതലയിണ കവര്‍ എടുത്ത് അതിനുള്ളിലേക്ക് ഫാനിന്റെ ഒരു ലീഫ് കടത്താം. പതിയെ പൊടിതുടയ്ക്കാം. ഇങ്ങനെ ചെയ്യുമ്പോള്‍ പൊടിയെല്ലാം കൃത്യമായി കവറിനകത്തേക്കുതന്നെ വീഴും. ഇങ്ങനെ എല്ലാ ലീഫുകളും വൃത്തിയാക്കാം.

ടേബിള്‍ ഫാന്‍ വൃത്തിയാക്കാന്‍ ആദ്യം അതിന്റെ ഗ്രില്‍ അഴിച്ചെടുക്കണം. തുടര്‍ന്ന് അത് സോപ്പുലായനിയില്‍ മുക്കിവെച്ച് കഴുകി വൃത്തിയാക്കാം. തുടര്‍ന്ന് ഫാനിന്റെ ബ്ലേഡുകള്‍ കോട്ടണ്‍ തുണി ഉപയോഗിച്ച് നന്നായി വൃത്തിയാക്കാം.

ഒരു സ്പ്രേ ബോട്ടിലിൽ വെള്ളത്തിൽ അല്പം ഡിഷ് സോപ്പ് ചേർത്ത് ഒരു തുണിയിൽ സ്പ്രേ ചെയ്ത് തുടയ്ക്കാം. ഉണങ്ങിയ തുണി കൊണ്ട് തുടച്ച് ഈർപ്പം കളയണം.

ഫാന്‍ പ്രവര്‍ത്തിച്ചുകൊണ്ടിരിക്കെ വൃത്തിയാക്കാന്‍ ശ്രമിക്കരുത്.

ഗോവണി ഉപയോഗിച്ചോ സുരക്ഷിതമായ ഉയരത്തില്‍ കയറിനിന്നോ വേണം സീലിങ് ഫാന്‍ വൃത്തിയാക്കാന്‍.