മലയാളികളുടെ ഹൃദയം കീഴടക്കിയ കന്നട വിഭവം നീർദോശ ഉണ്ടാക്കാം

നീർദോശയെ കുറിച്ച് നമ്മളിൽ പലരും കേട്ടിട്ടുണ്ടാവും. വളരെ എളുപ്പം ഉണ്ടാക്കാൻ കഴിയുന്ന ബ്രേക്ക്ഫാസ്റ്റ് കൂടിയാണിത്.

മലയാളികളുടെ പ്രിയപ്പെട്ട നീർദോശ ശരിക്കും ഒരു കര്‍ണാടക വിഭവമാണ്.

മംഗളൂരു ഭാഗങ്ങളിലാണ് ഏറ്റവും കൂടുതല്‍ ഈ പലഹാരം ഉപയോഗിക്കുന്നത്.

നല്ലൊരു നീർദോശ നമുക്കും ഈസിയായി ഉണ്ടാക്കാം.

ആവശ്യമുള്ള സാധനങ്ങൾ:

പച്ചരി - 2 കപ്പ്

തേങ്ങ ചിരകിയത് - ഒരു കപ്പ്

വെള്ളം, ഉപ്പ്​ -ആവശ്യത്തിന്

തയാറാക്കുന്ന വിധം:

മൂന്നു മണിക്കൂർ കുതിർത്തുവെച്ച പച്ചരിയും ചിരകിയ തേങ്ങയും വെള്ളവും ചേര്‍ത്ത് നന്നായി അരച്ചെടുക്കുക.

ദോശയുടെ മാവിൽ നിന്ന്​ അല്‍പംകൂടി വെള്ളം ചേര്‍ത്തുവേണം മിശ്രിതം തയാറാക്കാന്‍.

മാവ് അരച്ചെടുത്തശേഷം ഉപ്പു ചേര്‍ത്ത് നന്നായി ഇളക്കി അരമണിക്കൂര്‍ വെക്കണം.

ദോശ തവ ചൂടാക്കിയശേഷം മാവ് അതിലേക്കൊഴിച്ച് ദോശ ചുട്ടെടുക്കാം.

ഈ ദോശ മറിച്ചിടേണ്ട ആവശ്യമില്ല. മുകൾ വശം വെന്തു വരുമ്പോൾ അൽപ്പം വെളിച്ചണ്ണ പുരട്ടി കൊടുത്താൽ രുചിയേറും

ചട്​ണി, ഇറച്ചിക്കറി എന്നിവയെല്ലാം നീര്‍ദോശക്കൊപ്പം ചേർത്ത്​ കഴിച്ചാൽ സൂപ്പർ.