പഴങ്ങള്‍ കേടാകാതെ സൂക്ഷിക്കാന്‍ വീട്ടില്‍ ഇവ പരീക്ഷിക്കാം

പഴങ്ങള്‍ വാങ്ങിയാല്‍ അത് കേടാകാതെ എത്രത്തോളം സംരക്ഷിക്കാന്‍ സാധിക്കും?

പൈസ കൊടുത്ത് വാങ്ങുന്ന പഴങ്ങള്‍ വേഗത്തില്‍ ചീത്തയാകുന്നത് ആര്‍ക്കും സഹിക്കാന്‍ പറ്റുകയില്ല.

ഇത്തരത്തില്‍ വേഗത്തില്‍ പഴങ്ങള്‍ കേടാകാതിരിക്കാന്‍ എന്തെല്ലാം കാര്യങ്ങള്‍ ശ്രദ്ധിക്കണം എന്ന് നോക്കാം.

അമിതമായ പഴങ്ങള്‍ വാങ്ങാതിരിക്കുന്നതാണ് ഏറ്റവും നല്ലത്. അമിതമായി വാങ്ങിയാല്‍ ഇത് കഴിച്ച് തീര്‍ക്കാന്‍ സാധിക്കാതാവുകയും ഇത് വേഗത്തില്‍ ചീത്തയായി പോവുകയും ചെയ്യും.

പഴങ്ങള്‍ വാങ്ങിക്കൊണ്ടുവന്ന് അപ്പോള്‍ തന്നെ കഴുകി ഫ്രിഡ്ജില്‍ സൂക്ഷിക്കുന്നത് പഴങ്ങള്‍ വേഗത്തില്‍ കേടായിപ്പോകുന്നതിലേയ്ക്ക് നയിക്കുന്നു. അതുകൊണ്ടുതന്നെ,പഴങ്ങള്‍ വാങ്ങിയാല്‍ കഴുകാതെ ഫ്രിഡ്ജില്‍ സൂക്ഷിക്കുകയോ കഴുകി ഉണങ്ങിയതിന് ശേഷം മാത്രം സൂക്ഷിക്കുകയോ ചെയ്യുക.

ആപ്പിള്‍, പിയേഴ്‌സ് എന്നീ പഴങ്ങളെല്ലാം നല്ലപോലെ പേപ്പര്‍ ടവ്വലില്‍ പൊതിഞ്ഞ് സൂക്ഷിച്ചാല്‍ വിചാരിച്ചതിലും കൂടുതല്‍ ദിവസം നമുക്ക് അവ കേടാകാതെ സംരക്ഷിക്കാന്‍ സാധിക്കും.

പഴങ്ങള്‍ ഒരു പാത്രത്തില്‍ വെള്ളം നിറച്ച് മുക്കി വയ്ക്കണം. ഇതിലേയ്ക്ക് വിനിഗര്‍ ഒഴിക്കുക. ഒപ്പം കുറച്ച് ഉപ്പും ചേര്‍ക്കുക. ഇവ നന്നായി മിക്‌സ് ചെയ്ത് വയ്ക്കാം. ഇത് പഴങ്ങളിലെ ബാക്ടീരിയകള്‍ ഇല്ലാതാക്കാന്‍ സഹായിക്കും. അതിനുശേഷം നന്നായി കഴുകി എടുത്ത് തുടച്ചതിനുശേഷം സൂക്ഷിച്ച് വെയ്ക്കാം.