സമകാലിക മലയാളം ഡെസ്ക്
വിയർപ്പ് എന്നത് ശരീരത്തിൽ ഉണ്ടാകുന്ന ഒരു സ്വാഭാവിക പ്രക്രിയയാണെങ്കിലും അതിനൊപ്പം വരുന്ന ദുർഗന്ധം പലർക്കും അസ്വസ്ഥത സൃഷ്ടിക്കാറുണ്ട്.
ശരീര ശുചിത്വത്തിൽ ചെറിയ ശ്രദ്ധയും വീട്ടിൽ തന്നെ ചെയ്യാവുന്ന ചില ലളിതമായ മാർഗങ്ങളും പിന്തുടർന്നാൽ വിയർപ്പ് നാറ്റം നിയന്ത്രിക്കാൻ കഴിയും.
ചില പ്രകൃതിദത്ത പരിഹാരങ്ങൾ ശരീരത്തെ ഫ്രഷായി നിലനിർത്താനും ആത്മവിശ്വാസം കൂട്ടാനും സഹായിക്കും.
മഞ്ഞൾ
ആഴ്ചയിലൊരു തവണയെങ്കിലും മഞ്ഞൾ തേച്ച് കുളി ശീലമാക്കിയാൽ അമിത വിയർപ്പ് ഗന്ധം നിയന്ത്രിക്കാം. മഞ്ഞൾ അരച്ച് ദേഹത്ത് പുരട്ടി കുളിക്കുകയോ കുളിയ്ക്കുന്ന വെള്ളത്തിൽ അൽപം മഞ്ഞൾ കലർത്തുകയോ ചെയ്യാം.
ചന്ദനം
ചന്ദനം അരച്ച് ശരീരത്തിൽ പുരട്ടി കുളിക്കുന്നതും വിയർപ്പിൻറെ ഗന്ധം പോകാൻ ഏറെ നല്ലതാണ്. ഇത് ശരീരത്തിലെ വിയർപ്പ് വലിച്ചെടുക്കുന്നതിനൊപ്പം ഫംഗസ് ബാധയ്ക്കുള്ള സാധ്യതയും കുറയ്ക്കുമെന്നാണ് പഠനങ്ങൾ പറയുന്നത്.
റോസ് വാട്ടർ
വെള്ളത്തിൽ റോസ് വാട്ടർ ഒഴിച്ച് കുളിക്കുന്നത് ദുർഗന്ധം ഒഴിവാക്കാൻ നല്ലതാണ്. വെള്ളത്തിൽ നാരങ്ങാനീരും റോസ് വാട്ടറും ചേർത്ത് കുളിക്കുന്നത് തലമുടിയിലെ ദുർഗന്ധം അകറ്റാനും സഹായിക്കും.
വെള്ളം കുടിക്കുക
നിർജ്ജലീകരണം ശരീര ദുർഗന്ധത്തിന് കാരണമാകും. വെള്ളം നിങ്ങളുടെ ശരീരത്തിൽ നിന്ന് വിഷവസ്തുക്കളെ പുറന്തള്ളുന്നു, അതിന്റെ അഭാവം നിങ്ങളുടെ വിയർപ്പ് വഴി ഏകാഗ്രമായ രൂപത്തിൽ പുറത്തുവരാൻ കാരണമാകും.