കല്ലുപ്പ് കൈയ്യിലുണ്ടോ? എങ്കിൽ വീടിനകം സുഗന്ധപൂരിതമാക്കാം

വീടുകൾ വൃത്തിയായി സൂക്ഷിക്കാനും പുതുമയുള്ള മണം നൽകാനും പലരും റൂം സ്പ്രേകൾ, എയർ ഫ്രെഷനറുകൾ പോലുള്ള ഉൽപ്പന്നങ്ങൾ ഉപയോഗിക്കാറുണ്ട്.

രാസവസ്തുക്കൾ അടങ്ങിയ ഇവയ്ക്കു പകരം പ്രകൃതിദത്തമായ ഒരു ബദലാണ് കല്ലുപ്പ്.

കല്ലുപ്പ് ഉപയോഗിച്ച് മികച്ചതും രാസവസ്തുക്കളില്ലാത്തതുമായ സുഗന്ധ മിശ്രിതം തയ്യാറാക്കാം.

ചേരുവകൾ

റോക്ക് സാൾട്ട്- 2 ടേബിൾസ്പൂൺ

എസെൻഷ്യൽ ഓയിൽ

ഗ്രാമ്പൂ- 2 മുതൽ 3 വരെ

കർപ്പൂരം- 1

തയ്യാറാക്കുന്ന വിധം

അടപ്പോടു കൂടിയ ഒരു ചെറിയ പ്ലാസ്റ്റിക് പാത്രമെടുക്കാം. അതിലേയ്ക്ക് കല്ലുപ്പിട്ട് നാലോ അഞ്ചോ തുള്ളി എസെൻഷ്യൽ ഓയിൽ, 3 ഗ്രാമ്പൂ, ഒരു കർപ്പൂരം എന്നിവ ചേർക്കാം.

പാത്രത്തിൻ്റെ അടപ്പിൽ ചെറിയ ദ്വാരങ്ങളിട്ട് അടച്ചതിനു ശേഷം മുറിയുടെ മൂലകളിലോ മധ്യഭാഗത്തോ വയ്ക്കാം.

ഇത് മുറിക്കുള്ളിൽ സുഗന്ധം നിറയ്ക്കാൻ സഹായിക്കും. കല്ലുപ്പ് അലിയുന്നതിനനുസരിച്ചോ സുഗന്ധം കുറയുന്നതനുസരിച്ചോ ഇത് മാറ്റി കൊടുക്കാം.