ചീര വേവിക്കുമ്പോൾ ഇക്കാര്യങ്ങൾ നിർബന്ധമായും ശ്രദ്ധിക്കണം

ധാരാളം പോഷക ഗുണങ്ങൾ അടങ്ങിയ പച്ചക്കറിയാണ് ചീര.

ചീര ദിവസവും ഭക്ഷണത്തിന്റെ ഭാ​ഗമാക്കുന്നത് ആരോ​ഗ്യത്ത് വളരെ നല്ലതാണ്.

ചീര വേവിക്കുമ്പോൾ അതിന്റെ പോഷക ഗുണങ്ങളെ ഇല്ലാതാക്കുന്ന ചില അബദ്ധങ്ങൾ ഒഴിവാക്കേണ്ടതുണ്ട്.

ഉപ്പ്

പാകം ചെയ്യുന്ന സമയത്ത് ചീരയിൽ ഉപ്പ് ചേർക്കുന്നത് ഒഴിവാക്കുക.കാരണം ഉപ്പ് ചേർക്കുമ്പോൾ ഇതിൽ നിന്നും ജലാംശം ഇല്ലാതാവുകയും പാകമായി കിട്ടാൻ കൂടുതൽ സമയം എടുക്കുകയും ചെയ്യുന്നു. ഇത് ചീരയുടെ പോഷക ഗുണങ്ങൾ ഇല്ലാതാക്കും.

വേവിക്കുന്ന രീതി

ചീര അരിഞ്ഞു കഴിയുമ്പോള്‍ ഒന്നാകെ ഇട്ടു വേവിക്കാതെ ഓരോരോ ഘട്ടമായി വേവിക്കുക. ചീര നന്നായി പാകമാവാനും പോഷക ഗുണങ്ങള്‍ നഷ്ടപ്പെടാതിരിക്കാനും ഇങ്ങനെ ചെയ്യുന്നത് നല്ലതാണ്.

അമിതമായി തിളപ്പിക്കരുത്

ചീരയിൽ വിറ്റാമിൻ സി, ബി, ഫോളേറ്റ് തുടങ്ങിയ വെള്ളത്തിൽ ലയിക്കുന്ന പോഷകങ്ങൾ അടങ്ങിയിട്ടുണ്ട്. അമിതമായി തിളപ്പിക്കുമ്പോൾ ഇത് വെള്ളത്തിൽ അലിയുകയും ചീരയുടെ പോഷകങ്ങൾ നഷ്ടപ്പെടാനും കാരണമാകുന്നു.

അമിത ചൂടിൽ വേവിക്കരുത്

ചൂട് കൂടുതല്‍ ഏല്‍ക്കുമ്പോള്‍ ചീരയില്‍ അടങ്ങിയിരിക്കുന്ന പോഷക ഗുണങ്ങള്‍ നഷ്ടമാകാൻ ഇടയാകുന്നു. അതുകൊണ്ട് എപ്പോഴും ചെറിയ ചൂടില്‍ മാത്രം ചീര വേവിക്കുന്നതാണ് ഉത്തമം