റ​സി​ഡ​ൻ​ഷ്യ​ൽ ഏ​രി​യ​ക​ളി​ലെ സ്വ​കാ​ര്യ സ്കൂ​ളു​ക​ൾ പൂട്ടാനൊരുങ്ങി കുവൈത്ത്

കുവൈത്ത് സിറ്റി: റ​സി​ഡ​ൻ​ഷ്യ​ൽ ഏ​രി​യ​ക​ളി​ൽ സ്ഥിതി ചെയ്യന്ന സ്വ​കാ​ര്യ സ്കൂളുകൾ പൂട്ടാൻ നടപടികൾ ആരംഭിച്ചു കുവൈത്ത്. അ​ടു​ത്ത അ​ധ്യ​യ​ന വ​ർ​ഷാ​വ​സാ​ന​ത്തോ​ടെ റ​സി​ഡ​ൻ​ഷ്യ​ൽ ഏ​രി​യ​ക​ളി​ൽ സ്വകാര്യ സ്കൂളുകൾ പൂർണമായും നിരോധിക്കും. ഇത് സംബന്ധിച്ച് നി​ര​വ​ധി അം​​ഗ​ങ്ങ​ൾ സ​മ​ർ​പ്പി​ച്ച നി​ർ​ദേ​ശ​ത്തി​ന് മു​നി​സി​പ്പ​ൽ കൗ​ൺ​സി​ൽ അം​​ഗീ​കാ​രം ന​ൽ​കി.

പുതിയ നിയമ പ്രകാരം പാ​ർ​പ്പി​ട മേ​ഖ​ല​ക​ളി​ൽ സ്ഥി​തി ചെ​യ്യു​ന്ന സ്വ​കാ​ര്യ സ്കൂ​ളു​ക​ളു​ടെ ലൈ​സ​ൻ​സ് അ​ടു​ത്ത അ​ധ്യ​യ​ന വ​ർ​ഷാ​വ​സാ​ന​ത്തോ​ടെ റദ്ദാക്കും. സ്വ​കാ​ര്യ സ്കൂ​ളു​ക​ൾ ഈ മേഖലയിലെ പ്രവർത്തനം അവസാനിപ്പിച്ചു മറ്റിടങ്ങളിലേക്ക് മാറേണ്ടി വരും. അ​ട​ച്ചു​പൂ​ട്ട​ലുമായി ബന്ധപ്പെട്ട നിർദേശം ന​ട​പ്പി​ലാ​ക്കേ​ണ്ട ചുമതല വി​ദ്യാ​ഭ്യാ​സ മ​ന്ത്രാ​ല​യ​ത്തി​നാണ്.

സുരക്ഷാ-അടിസ്ഥാന സൗകര്യ മാനദണ്ഡങ്ങൾ പാലിക്കുന്നത്തിനായി പ്രത്യേകം നീക്കിവെച്ച കെട്ടിടങ്ങളിൽ മാത്രം സ്കൂളുകൾ പ്രവർത്തിക്കുന്നുവെന്ന് ഉറപ്പാക്കുകയാണ് നടപടിയിലൂടെ ലക്ഷ്യം വെയ്ക്കുന്നത്. റ​സി​ഡ​ൻ​ഷ്യ​ൽ ഏ​രി​യ​ക​ളി​ലെ ഗ​താ​ഗ​ത തി​ര​ക്ക് കുറയ്ക്കാനും ഇതും വഴി സാധിക്കുമെന്നാണ് വിലയിരുത്തൽ.