കൊച്ചി: റിലീസിംഗിനുമുന്നേ ലാഭത്തിലേക്കെത്തിയ ബാഹുബലി 2 തീയേറ്ററുകളില്‍ ഇളക്കമുണ്ടാക്കാന്‍തന്നെ ഒരുങ്ങിപ്പുറപ്പെട്ടിരിക്കുകയാണ്. ഈ മാസം 23ന് ബാഹുബലി ടീം കൊച്ചിയിലേക്കെത്തും. സിനിമയുടെ പരസ്യപ്രചാരണത്തിനായാണ് ബാഹുബലി 2 സംഘം കൊച്ചിയിലേക്കും എത്തുന്നത്. സംവിധായകന്‍ രാജമൗലി, പ്രഭാസ്, സത്യരാജ്, നാസര്‍ തുടങ്ങി എല്ലാവരും എത്തും. കൊച്ചിയിലെ ബാഹുബലി സംഘത്തിന്റെ പ്രോഗ്രാമുകളെക്കുറിച്ച് വിശദാംശങ്ങള്‍ വരാനിരിക്കുന്നതേയുള്ളു. എങ്കിലും അന്നേദിവസത്തെ മറ്റെല്ലാ പരിപാടികളും മാറ്റിവച്ചോളൂ എന്ന മുന്നറിയിപ്പോടെയാണ് ബാഹുബലി 2 ടീം കൊച്ചിയിലേക്ക് എത്തുന്ന വിവരം പുറത്തുവിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
