ലോകത്തിലെ സെക്‌സിയസ്റ്റ് എഷ്യന്‍ വുമണായി അഞ്ചാമതും പ്രിയങ്കാ ചോപ്ര തിരഞ്ഞെടുക്കപ്പെട്ടു. ലണ്ടന്‍ ആസ്ഥാനമായുള്ള ഈസ്റ്റേണ്‍ ഐ എന്ന ആഴ്ചപതിപ്പാണ് വോട്ടിംഗിലൂടെ വിജയിയെ കണ്ടെത്തിയത്. 50 പേരടങ്ങുന്ന പട്ടികയാണ് വോട്ടിംഗ് ഫലത്തിന്റെ അടിസ്ഥാനത്തില്‍ പുറത്തുവിട്ടത്. ഇതില്‍ ആദ്യ നാല് സ്ഥാനങ്ങളിലും ഇന്ത്യന്‍ താരങ്ങളാണ് ഇടം നേടിയിരിക്കുന്നത്.
കഴിഞ്ഞവര്‍ഷം ഒന്നാമതായിരുന്ന ദീപികാ പദുക്കോണെ മൂന്നാം സ്ഥാനത്തേക്ക് പിന്തള്ളിയാണ് പ്രിയങ്ക ലിസ്റ്റില്‍ ആദ്യ സ്ഥാനം സ്വന്തമാക്കിയത്. ടെലിവിഷനിലൂടെ താരമായ നിയ ശര്‍മയാണ് പട്ടികയില്‍ രണ്ടാം സ്ഥാനത്തുള്ളത്. കഴിഞ്ഞ വര്‍ഷം മൂന്നാമതായിരുന്ന നിയ ഈ വര്‍ഷം ഒരു സ്ഥാനം മെച്ചപ്പെടുത്തിയിരിക്കുകയാണ്. പ്രിയങ്കാ ചോപ്രയ്ക്കടുത്ത് തന്റെ പേര് കാണുക എന്നത് താന്‍ സ്വപ്‌നത്തില്‍ പോലും പ്രതീക്ഷിച്ചിരുന്നില്ലെന്നും വളരെയധികം സന്തോഷം തരുന്നതാണ് ഇതെന്നും നിയ പ്രതികരിച്ചു. തന്റെ നേട്ടത്തെ ആരാധകര്‍ക്കാണ് നിയ സമര്‍പ്പിച്ചത്.
കഴിഞ്ഞതവണ പട്ടികയില്‍ ഒന്നാമതായിരുന്ന ദീപികാ പദുക്കോണ്‍ മൂന്നാം സ്ഥാനത്തേക്ക് പിന്തള്ളപ്പെട്ടു. അലിയാ ഭട്ടാണ് നാലാമതുള്ളത്. അഞ്ചാം സ്ഥാനം പാക്കിസ്ഥാന്‍ നടി മഹീറാ ഖാനാണ്. ടെലിവിഷന്‍ താരം ദ്രഷ്ടി ദാമി, കത്രീനാ കെയ്ഫ്, ശ്രദ്ധ കപൂര്‍, മോഡലും നടിയുമായ ഗുവാഹര്‍ ഖാന്‍, നടി റുബിനാ ദിലായിക് എന്നിവരാണ് യഥാക്രമം ആറ് മുതല്‍ പത്ത് വരെയുള്ള സ്ഥാനങ്ങളില്‍.
19കാരിയായ ശിവാംഗി ജോഷിയാണ് ലിസ്റ്റില്‍ ഇടം നേടിയ ഏറ്റവും പ്രായം കുറഞ്ഞ താരം. ലിസ്റ്റില്‍ 16-ാം സ്ഥാനത്താണ് ശിവാംഗി. 54കാരിയായ ശ്രീദേവി ലിസ്റ്റിലേ ഏറ്റവും പ്രായമേറിയ താരമാണ്. 49-ാം സ്ഥാനത്താണ് ശ്രീദേവിയുള്ളത്. സമാനമായ തിരഞ്ഞെടുപ്പ് പുരുഷന്‍മാരുടെ വിഭാഗത്തിലും നടക്കുന്നുണ്ട്. ഡിസംബര്‍ 15-ാം തിയതിയാണ് പുരുഷന്‍മാരുടെ പട്ടിക പുറത്തുവിടുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
