തിരുവനന്തപുരം : തിരുവനന്തപുരത്ത് നടക്കുന്ന അന്താരാഷ്ട്ര ചലച്ചിത്രോല്‍സവത്തിന്റെ സമാപന ചടങ്ങില്‍ പങ്കെടുക്കില്ലെന്ന് ദേശീയ അവാര്‍ഡ് ജേത്രിയായ നടി സുരഭി ലക്ഷ്മി. സമാപനചടങ്ങില്‍ പങ്കെടുക്കണമെന്ന് ആവശ്യപ്പെട്ട് കഴിഞ്ഞദിവസം ക്ഷണം ലഭിച്ചിരുന്നു. എന്നാല്‍ വിദേശത്ത് ഒരു പരിപാടിയില്‍ പങ്കെടുക്കാനുള്ളതുകൊണ്ടാണ് ചടങ്ങില്‍ പങ്കെടുക്കാത്തതെന്ന് സുരഭി അറിയിച്ചു.
ദേശീയ അവാര്‍ഡ് കിട്ടി എന്നതുകൊണ്ട് നമുക്ക് ഒരു വേദിയില്‍ കയറിച്ചെല്ലാനാകില്ല. നേരത്തെ നിശ്ചയിച്ച് വിളിച്ചിട്ടുള്ള ആളുകളാണ് ആ വേദിയില്‍ പങ്കെടുക്കുക. ഒരു പേപ്പര്‍ എടുത്തുകൊടുക്കുന്ന ആളെപ്പോലും മുന്‍കൂട്ടി നിശ്ചയിച്ചിരിക്കും. ചലച്ചിത്രമേളയുടെ ചടങ്ങിലേക്ക് ക്ഷണം ഉണ്ടായിരുന്നോ എന്ന ചോദ്യത്തിന്, എനിക്ക് ക്ഷണം ഉണ്ടായിരുന്നില്ല. സുരഭി പറഞ്ഞു.
എന്നാല്‍ ഇന്നലെ മേളയുടെ സമാപനത്തില്‍ പങ്കെടുക്കാന്‍ അഭ്യര്‍ത്ഥിച്ച് ക്ഷണം ലഭിച്ചു. പക്ഷെ സമയം വൈകിപ്പോയി. ഫുജറയില്‍ ഒരു പരിപാടി ഏറ്റുപോയ സാഹചര്യത്തില്‍ തനിക്ക് മേളയുടെ സമാപന ചടങ്ങില്‍ പങ്കെടുക്കാനാകില്ല. 10-15 ദിവസം മുമ്പ് ആയിരുന്നു ക്ഷണം ലഭിച്ചതെങ്കില്‍ പരിപാടിയില്‍ പങ്കെടുക്കുമായിരുന്നെന്നും സുരഭി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
