മലയാള സിനിമയിലെ യുവതാരങ്ങളില്‍ ഏറെ ശ്രദ്ധേയനാണ് ദുല്‍ഖര്‍ സല്‍മാന്‍. ഹൃദ്യമായ പുഞ്ചിരികൊണ്ടും അഭിനയശേഷി കൊണ്ടും ഇയാള്‍ പ്രേഷകഹൃദയങ്ങളില്‍ ഇടം നേടിക്കഴിഞ്ഞു. ദക്ഷിണേന്ത്യയിലാകെത്തന്നെ ദുല്‍ഖര്‍ മിന്നിത്തിളങ്ങുകയാണ്.
എല്ലാ വര്‍ഷവും രാജ്യത്തെ ഏറ്റവും ആകര്‍ഷണീയതയുള്ള 50 വ്യക്തികളുടെ പട്ടിക (മോസ്റ്റ് ഡിസൈറബിള്‍ മാന്‍ സര്‍വേ) ടൈം ഗ്രൂപ്പ് പുറത്തിറക്കാറുണ്ട്. ഇത്തവണ ഈ സര്‍വേയില്‍ ദുല്‍ഖര്‍ സല്‍മാന്‍ പതിനാലാം സ്ഥാനത്തെത്തിയിരിക്കുകയാണ്. മലയാളത്തില്‍ നിന്നും മറ്റാര്‍ക്കും ആദ്യ 15ല്‍ ഇടം നേടാനായിട്ടില്ല.
2016ലെ സര്‍വേയുടെ റിപ്പോട്ടാണ് ഇപ്പോള്‍ പുറത്തുവിട്ടിരിക്കുന്നത്. ദക്ഷിണേന്ത്യയില്‍ നിന്നും ആദ്യ 15 സ്ഥാനങ്ങളില്‍ ഇടം പിടിക്കാന്‍ സാധിച്ചത് രണ്ട് താരങ്ങള്‍ക്കാണ്. ഏഴാം സ്ഥാനത്ത് തെലുങ്ക് താരം മഹേഷ് ബാബുവും 14ാം സ്ഥാനത്ത് മലയാളികളുടെ സ്വന്തം ദുല്‍ഖര്‍ സല്‍മാനും. ഒന്നാം സ്ഥാനത്ത് മിസ്റ്റര്‍ വേള്‍ഡ് ആയ രോഹിത് ഖണ്ഡേല്‍വാളും രണ്ടാം സ്ഥാനത്ത് ഇന്ത്യന്‍ നായകന്‍ വിരാട് കോഹ്ലിയുമാണ്.
കഴിഞ്ഞ വര്‍ഷം ദുല്‍ഖര്‍ പട്ടികയില്‍ 41ാം സ്ഥാനത്തായിരുന്നു. ബോളിവുഡ് സൂപ്പര്‍ താരം ജോണ്‍ എബ്രഹാമും ഇന്ത്യന്‍ ക്രിക്കറ്റ് ടീം മുന്‍ നായകന്‍ ധോണിയും ബാഹുബലിയില്‍ അഭിനയിച്ച പ്രഭാസുമെല്ലാം ദുല്‍ഖറിനു പിന്നിലാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
