തിരുവനന്തപുരം: മമ്മൂട്ടി നായകനായെത്തുന്ന ദ ഗ്രേറ്റ് ഫാദറിലെ പ്രധാനപ്പെട്ട രംഗങ്ങള്‍ ലീക്കായി. ഇവ വാട്ട്‌സ്ആപ്പിലും ഫേസ്ബുക്കിലും പ്രചരിപ്പിക്കുന്നുവെന്ന് കാണിച്ച് നിര്‍മ്മാതാവ് ഷാജി നടേശന്‍ സൈബര്‍ സെല്ലിനെ സമീപിച്ചു. സൈബര്‍ ഡോം ഇക്കാര്യത്തില്‍ സോഷ്യല്‍ മീഡിയയെ നിരീക്ഷിക്കുന്നുണ്ട്. മാര്‍ച്ച് 30നാണ് ചിത്രത്തിന്റെ റിലീസ് നിശ്ചയിച്ചിരിക്കുന്നത്.
ചിത്രത്തിലെ ഏറെ പ്രധാനപ്പെട്ട രംഗം തന്നെയാണ് ചോര്‍ന്നത്. എന്നാലിതൊന്നും സിനിമയെ ബാധിക്കുമെന്ന് കരുതുന്നില്ലെന്ന് ഷാജി നടേശന്‍ പ്രതികരിച്ചു. മമ്മൂട്ടിയും സ്‌നേഹയും ഉള്‍പ്പെട്ട രംഗം പോസ്റ്റ് പ്രൊഡക്ഷന്‍ ഘട്ടത്തിലുള്ള രൂപത്തിലാണ് പുറത്തു വന്നത്. എണ്ണൂറോളം ലൈക്കുകളുള്ള ഒരു ഫേസ്ബുക്ക് പേജിലാണ് രംഗങ്ങള്‍ പ്രത്യക്ഷപ്പെട്ടത്. മമ്മൂട്ടി ഫാന്‍സ് അംഗങ്ങള്‍ പേജ് റിപ്പോര്‍ട്ട് ചെയ്യുകയും തുടര്‍ന്ന് വീഡിയോ നീക്കം ചെയ്യുകയും ചെയ്തു.
മമ്മൂട്ടി ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമായിരുന്നു ദ ഗ്രേറ്റ് ഫാദര്‍. ചിത്രത്തിന്റെ കൂടുതല്‍ വിവരങ്ങള്‍ പുറത്തുവിട്ട് പ്രേഷകര്‍ക്ക് മുന്‍വിധി നല്‍കാതിരിക്കാന്‍ മുന്‍പേ അണിയറ പ്രവര്‍ത്തകര്‍ ശ്രദ്ധിച്ചിരുന്നു. ആഗസ്റ്റ് ബാനറില്‍ പൃഥ്വിരാജ്, ഷാജി നടേശന്‍, ആര്യ, സന്തോഷ് ശിവന്‍ എന്നിവര്‍ നിര്‍മ്മിക്കുന്ന ചിത്രം എഴുതി സംവിധാനം ചെയ്യുന്നത് ഹനീഫ് അദീനിയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
