മമ്മൂട്ടി ആരാധകരും സിനിമാ പ്രേമികളും ഒരുപോലെ കാത്തിരുന്ന ദി ഗ്രേറ്റ് ഫാദര്‍ തീയറ്ററുകളിലെത്തി. തോപ്പില്‍ ജോപ്പന് ശേഷം മമ്മൂട്ടി ആരാധകര്‍ ഏറെ പ്രതിക്ഷയോടെ കാത്തിരുന്ന ചിത്രമാണ് ദി ഗ്രേറ്റ് ഫാദര്‍. ആഗസ്റ്റ് സിനിമയുടെ ബാനറില്‍ പൃഥ്വിരാജ്, ഷാജി നടേശന്‍, ആര്യ, സന്തോഷ് ശിവന്‍ എന്നിവര്‍ നിര്‍മ്മിച്ചചിത്രം എഴുതി സംവിധാനം ചെയ്തത്‌ ഹനീഫ് അദീനിയാണ്. അധോലോക നായകനായാണ് ചിത്രത്തില്‍ മമ്മൂട്ടി എത്തുന്നത്. നായിക സ്‌നേഹയാണ്. ചിത്രത്തിലെ മമ്മൂട്ടിയുടെ ഗെറ്റപ് ഇതിനോടകം തന്നെ ചര്‍ച്ചയായി കഴിഞ്ഞിരുന്നു. മമ്മൂട്ടിയുടെ കൂറ്റന്‍ കട്ടൗട്ടുകളും ഫഌക്‌സുകളുമായി തീയറ്ററുകള്‍ക്ക് മുന്നില്‍ രാവിലെ മുതല്‍ ആരാധകര്‍ ആവേശത്തിലാണ്.
തിരുവനന്തപുരം ശ്രീകുമാര്‍ തീയറ്ററിന് മുന്നില്‍ ആരാധകര്‍ സ്ഥാപിച്ച മമ്മൂട്ടിയുടെ കട്ടൗട്ട്. ചിത്രം: ബിപി ദീപു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
