മിഷന്‍ ഇംപോസിബിള്‍ 6ന്റെ ചിത്രീകരണത്തിനായി ടോം ക്രൂസ് ഇന്ത്യയിലെത്തുന്നു
മിഷന്‍ ഇംപോസിബിള്‍ സീരിസിലെ പുതിയ ചിത്രത്തിന്റെ ഷൂട്ടിംഗിനായി ടോം ക്രൂസ് ഇന്ത്യയിലെത്തുന്നു. ലണ്ടന്‍, പാരീസ്, ന്യൂസിലാന്റ് തുടങ്ങിയ നിരവധി സ്ഥലങ്ങളിലാണ് ചിത്രത്തിന്റെ ഷൂട്ടിംഗ് പുരോഗമിക്കുന്നത്. ക്രൂസ് ഇന്ത്യയിലെത്തുമെന്ന കാര്യം ഹോളിവുഡ് അധികൃതര്‍ ട്വിറ്ററിലൂടെയാണ് അറിയിച്ചത്. ചിത്രം ജൂലായ് 27 ന് തീയേറ്ററുകളിലെത്തുമെന്നും ട്വിറ്ററില്‍ കുറിച്ചു.
മിഷന്‍ ഇംപോസിബിള്‍ 5 സംവിധാനം ചെയ്ത ക്രിസ് മക്വയര്‍ തന്നെയാണ് ചിത്രത്തിന്റെ സംവിധാനം നിര്‍വഹിച്ചിരിക്കുന്നത്. ഹോളിവുഡ് സിനിമയില്‍ ഏറെ ശ്രദ്ധേയമാകുന്ന ചിത്രമായിരിക്കും മിഷന്‍ ഇംപോസിബിള്‍ 6 എന്ന രീതിയിലുള്ള റിപ്പോര്‍്ട്ടുകളാണ് പുറത്ത് വരുന്നത്. ചിത്രത്തിലെ ഒരു സ്റ്റണ്ട് സീന്‍ രംഗത്തിനായി കഴിഞ്ഞ ഒരു വര്‍ഷമായി ക്രൂസ് പരിശീലനത്തിലായിരുന്നു.
ഹെന്റി കാവിലാണ് ചിത്രത്തില്‍ പ്രധാനവേഷത്തിലെത്തുന്ന മറ്റൊരാള്‍. നേരത്തെ അനില്‍ കപൂര്‍ അഭിനയിച്ച മിഷന്‍ ഇംപോസിബിള്‍ പ്രോട്ടോകോള്‍ ഇന്ത്യയില്‍ ഷൂട്ട് ചെയ്തപ്പോള്‍ അന്ന് ക്രൂസ് ഇന്ത്യയിലെത്തിയിരുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
