മുംബൈ: ഗോവ അന്താരാഷ്ട്ര ചലച്ചിത്ര മേളയിലെ ഇന്ത്യന്‍ പനോരമ വിഭാഗത്തിന്റെ ജൂറി അധ്യക്ഷനായി സംവിധായകന്‍ രാഹുല്‍ രവൈലിനെ നിയമിച്ചു. നിലവിലെ ചൈയര്‍മാന്‍ സുജോയ് ഘോഷ് രാജിവച്ചതിനെ തുടര്‍ന്നാണ് രാഹുലിനെ ജൂറി ചെയര്‍മാനാക്കിയത്.
പുതിയ സ്ഥാനം ബഹുമതിയായാണ് കാണുന്നതെന്ന് രാഹുല്‍ പ്രതികരിച്ചു. ലോകം ഉറ്റുനോക്കുന്ന മേളയാണിതെന്നും മികച്ച സിനിമകള്‍ തിരഞ്ഞെടുക്കുമെന്നും അദ്ദേഹം കൂട്ടിച്ചേര്‍ത്തു.
സനല്‍ കുമാര്‍ ശശിധരന്റെ എസ് ദുര്‍ഗ, രവി ജാധവിന്റെ മറാത്തി ചിത്രം ന്യൂഡ് എന്നീ ചിത്രങ്ങള്‍ മേളയില്‍ നിന്ന് ഒഴിവാക്കിയ കേന്ദ്ര സര്‍ക്കാര്‍ നടപടിയില്‍ പ്രതിഷേധിച്ച് ജൂറി ചെയര്‍മാന്‍ ആയിരുന്ന സുജോയ് ഘോഷ് രാജിവച്ചിരുന്നു. ഈ രണ്ടുസിനിമകളും ഇന്ത്യന്‍ പനോരമയില്‍ ഉള്‍പ്പെടുത്തുന്നതിനെതിരെ നിലപാടെടുത്തയാളാണ് രാഹുല്‍ രവാല്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
