ദുല്ഖര് സല്മാന്റെ ഹിറ്റ് ചിത്രം ചാര്ളിയുടെ മറാത്തി പതിപ്പ് എത്തുന്നു. ദേവാ ചി മായ ദേവാ ഏക് അത്രാങ്കി എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിന്റെ ടീസര് പുറത്തിറങ്ങി. മുരളി നല്ലപ്പ സംവിധാനം ചെയ്ത ചിത്രത്തിന് അങ്കുഷ് ചൗധരിയാണ് ദുല്ഖര് സല്മാന് വേഷമിട്ട ചാര്ലി എന്ന കഥാപാത്രത്തെ അവതരിപ്പിക്കുന്നത്.
ചിത്രത്തിന്റെ ടീസര് പുറത്തുവന്നതിന് പിന്നാലെ ട്രോളുകളുടെ പ്രവാഹമാണ് സോഷ്യല് മീഡിയയില്. മാര്ട്ടിന് പ്രക്കാട്ട് സംവിധാനം ചെയ്ത ചാര്ളി സിനിമയുടെ അഭിനയത്തിന് ദുല്ഖര് സല്മാന് മികച്ച നടനുള്ള സംസ്ഥാന അവാര്ഡ് ലഭിച്ചിരുന്നു. എന്നാല് ദുല്ഖറും പാര്വതിയും കൈകാര്യം ചെയ്ത കഥാപാത്രങ്ങളുടെ മറാത്തിയിലുള്ള അവസ്ഥ പരിതാപകരമാണ് എന്നാണ് മലയാളി സിനിമ പ്രേമികള് പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ