നടിയെ അക്രമിച്ച കേസില്‍ ദിലീപിനെ അറസ്റ്റ് ചെയ്തതിനെത്തുടര്‍ന്ന് കടുത്ത പ്രതിസന്ധിയിലാണ് രാമലീല റിലീസ് ചെയ്യുന്നത്. ചിത്രം റിലീസ് ചെയ്തതിന് ശേഷവും നിരവധി ആരോപണങ്ങളാണ് അണിയറപ്രവര്‍ത്തകര്‍ക്ക് നേരിടേണ്ടിവന്നത്. സിനിമ കാണാന്‍ ആളുകേറാത്തതിനാല്‍ അന്യസംസ്ഥാനത്തൊഴിലാളികളെ കയറ്റുകയാണെന്ന് വരെ ആരോപണം ഉയര്‍ന്നു. ഇതിന് മറുപടിയുമായി രംഗത്തെത്തിയിരിക്കുകയാണ് നടന്‍ ദിലീപ്.
'ബംഗാളും നേപ്പാളുമായി ടോമിച്ചായന് ഭയങ്കര ബന്ധമാണെന്നു കേട്ടു. അത് ശരിയാണോ ടോമിച്ചായാ. ബംഗാളീസിനെ കയറ്റിയാണ് സിനിമ വിജയിപ്പിച്ചതെന്ന് ആരോ പറഞ്ഞു കേട്ടു.' എന്നായിരുന്നു ദിലീപിന്റെ വാക്കുകള്‍. ഇതിന് മറുപടിയായി നിര്‍മാതാവ് ടോമിച്ചന്‍ മുളകുപാടം പറഞ്ഞത് 'നാട്ടുകാരില്ലെങ്കില്‍ പിന്നെ ഇവരെകയറ്റിയല്ലേ പറ്റൂ' എന്നാണ്. രാമലീലയുടെ റിലീസ് സമയത്ത് ടോച്ചിച്ചന്‍ വളരെ അധികം ബുദ്ധിമുട്ടിയെന്നും ദിലീപ് പറഞ്ഞു. രാമലീലയുടെ വിജയാഘോഷ ചടങ്ങിന് ഇടയിലാണ് വിമര്‍ശകരെ ദിലീപ് ട്രോളിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
