വിവാഹം കഴിഞ്ഞാല് ഭൂരിഭാഗം നടിമാരുടേയും അഭിനയജീവിതം അവസാനിപ്പിക്കും. അഭിനയ ജീവിതം അവസാനിപ്പിച്ചില്ലെങ്കിലും ചില നിയന്ത്രണങ്ങളെങ്കിലും അവര് കൊണ്ടുവരും. എന്നാല് നടി സുര്വീന് ചൗള ഇതില് നിന്ന് വളരെ വ്യത്യസ്തയാണ്. സിനിമയ്ക്ക് വേണ്ടി എന്ത് ചെയ്യാനും തയാറാണെന്നാണ് സുര്വീന് പറയുന്നത്. തന്റെ ഭര്ത്താവ് ഒന്നും പറയില്ലെന്നും താരം വ്യക്തമാക്കി.
'തിരക്കഥ ആവശ്യപ്പെടുകയാണെങ്കില് തന്റെ സഹതാരത്തെ ചുംബിക്കാനും നഗ്നയായി അഭിനയിക്കാനും തയാറാണ്. ഇതിനെക്കുറിച്ച് എന്റെ ഭര്ത്താവ് ഒന്നും പറയില്ല. അത്തരത്തിലാണ് അദ്ദേഹവും ഞാനും തമ്മില് മനസിലാക്കിയിരിക്കുന്നത്. എന്റെ ജോലിയെ അദ്ദേഹം പിന്തുണയ്ക്കുന്നുണ്ട്.' സുര്വീന് പറഞ്ഞു.
2015 ലാണ് സുര്വീന് ചൗളയും അക്ഷയ് താക്കറും വിവാഹം കഴിക്കുന്നത്. എന്നാല് വിവാഹത്തെക്കുറിച്ച് 2017 വരെ ഇവര് രഹസ്യമായിവെച്ചു. വിവാഹ ആല്ബത്തിലെ ചിത്രങ്ങള് പുറത്തുവിടാന് തുടങ്ങിയതോടെയാണ് വിവാഹത്തെക്കുറിച്ച് ആരാധകര് അറിയുന്നത്. നീണ്ടനാളത്തെ പ്രണയത്തിന് ശേഷമായിരുന്നു ഇരുവരും വിവാഹിതരായത്. വിവാഹം കഴിച്ചതിന് ശേഷം തന്റെ ജീവിതം കൂടുതല് മനോഹരമായെന്നാണും താരം പറഞ്ഞു.
പരസ്യ ചിത്രങ്ങളിലൂടെയും ഷോകളിലൂടെയുമാണ് സുര്വീന് ചൗള കരിയര് ആരംഭിക്കുന്നത്. 2011 ല് ഹം തും ഷബാന എന്ന ചിത്രത്തിലൂടെ ബോളിവുഡില് അരങ്ങേറ്റം കുറിച്ചു. എന്നാല് താരം പ്രശസ്തി നേടുന്നത് ഹേറ്റ് സ്റ്റോറി 2 ലൂടെയാണ്. തെലുങ്ക്, പഞ്ചാബി സിനിമകളിലും സുര്വീന് അഭിനയിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ