ദശമൂലം ദാമുവിനെ ഇനി ട്രോളന്‍മാര്‍ക്ക് കിട്ടില്ല: ഷാഫിയുടെ ചിത്രത്തില്‍ ദാമു നായകനാകുന്നു

ട്രോളന്‍മാര്‍ക്ക് ഒരു സൂപ്പര്‍സ്റ്റാറുണ്ടെങ്കില്‍ അത് ദശമൂലം ദാമു ആയിരിക്കും.
ദശമൂലം ദാമുവിനെ ഇനി ട്രോളന്‍മാര്‍ക്ക് കിട്ടില്ല: ഷാഫിയുടെ ചിത്രത്തില്‍ ദാമു നായകനാകുന്നു

ട്രോളന്‍മാര്‍ക്ക് ഒരു സൂപ്പര്‍സ്റ്റാറുണ്ടെങ്കില്‍ അത് ദശമൂലം ദാമു ആയിരിക്കും. മിക്ക ട്രോളുകളിലും ദാമുവിന്റെ എക്‌സ്പ്രഷന്‍ നിര്‍ബന്ധമാണ്. 2009 ല്‍ തിയേറ്ററുകളിലെത്തിയ മമ്മൂട്ടിയുടെ ചട്ടമ്പിനാടില്‍ സുരാജ് വെഞ്ഞാറമ്മൂട് അവതരിപ്പിച്ച ഹാസ്യകഥാപാത്രമായ ദാമു വളരെ പെട്ടെന്നാണ് പ്രേക്ഷകരുടെ ഹൃദയത്തില്‍ ഇടം നേടിയത്. 

ഇപ്പോള്‍ ദാമുവിനെ പ്രധാന കഥാപാത്രമാക്കി ഒരു സിനിമ തന്നെ വരാന്‍ പോവുകയാണ്. സംവിധായകന്‍ ഷാഫിയാണ് ദാമുവിനെ പ്രധാന കഥാപാത്രമാക്കി സിനിമയെടുക്കുന്നത്. ചട്ടമ്പിനാടിലെ ദശമൂലം ദാമുവിനെ ടൈറ്റില്‍ റോളില്‍ അവതരിപ്പിക്കുന്ന ഒരു ചിത്രം താമസിക്കാതെ തന്നെ ഉണ്ടാകുമെന്നാണ് സംവിധായകന്‍ പറയുന്നത്. ദാമുവിനെ നായകനാക്കി ചെയ്യാന്‍ പറ്റിയ ഒരു കഥ തന്റെ പക്കലുണ്ടെന്നും സംവിധായകന്‍ പറഞ്ഞു.

ഹാസ്യത്തിന് മുന്‍തൂക്കം നല്‍കി ദശമൂലം ദാമുവിന്റെ കഥയെക്കുറിച്ച് സുരാജിനെ അറിയിച്ചെന്നും താരം വളരെ സന്തോഷത്തിലാണെന്നും ഷാഫി പറയുന്നു. ഒരു ബോംബ് കഥയ്ക്ക് ശേഷം ധാരാളം ചിത്രങ്ങള്‍ അണിയറയിലുണ്ടെന്നും എങ്ങിനെ തുടങ്ങണമെന്ന ആശങ്കയിലാണ് താനെന്നും എന്നാല്‍ സാഹചര്യങ്ങള്‍ ഒത്തുവന്നാല്‍ ഒട്ടും വൈകിപ്പിക്കാതെ തന്നെ ദശമൂലം ദാമുവിന്റെ വര്‍ക്കുകളിലേക്ക് കടക്കുമെന്നും ഷാഫി വ്യക്തമാക്കി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com