കൊച്ചി: ഇന്ത്യന് ക്രിക്കറ്റ് നായകന് വിരാട് കൊഹ് ലിയായി ദുല്ഖര് സല്മാന്
എത്തുന്നു. കര്വാന് ശേഷം ദുല്ഖര് സോയ ഫാക്ടര് എന്ന ബോളിവുഡ് ചിത്രത്തിലാണ് വിരാട് കോലിയുടെ വേഷത്തില് എത്തുന്നത്.
അനുജ ചൗഹാന്റെ ജനപ്രിയ നോവലായ ദി സോയ ഫാക്ടറില് നിന്ന് പ്രേരണ ഉള്ക്കൊണ്ടാണ് ചിത്രം ഒരുക്കുന്നത്. സോനം കപൂറാണ് ചിത്രത്തിലെ നായിക. സോനം നേരത്തെ തന്നെ അനുജ ചൗഹാന്റെ ദി സോയ ഫാക്ടറിന്റെയും ബിട്ടോറയുടെയും അവകാശം സ്വന്തമാക്കിയിരുന്നു. ദി സോയ ഫാക്ടര് ചലച്ചിത്രമാവുന്ന കാര്യം അനുജ ചൗഹാന് ട്വിറ്ററിലൂടെ തന്നെയാണ് പുറത്ത് വിട്ടത്.
1983ല് ഇന്ത്യ ക്രിക്കറ്റ് ലോകകപ്പ് നേടിയ കലത്ത് ജനിച്ച സോയ സിങ് എന്ന ഒരു പെണ്കുട്ടിയുടെ ജീവിതത്തെ ചുറ്റിപ്പറ്റിയാണ് നോവലിന്റെ കഥ വികസിക്കുന്നത്. സോയയുടെ ഭാഗ്യം കൊണ്ടാണ് ടീം കപ്പ് നേടിയത് എന്നായിരുന്നു വിശ്വാസം. അതുകൊണ്ടു തന്നെ 2010ലെ ലോകകപ്പിനും സോയ ഫാക്ടര് വിനിയോഗിക്കാന് ഇന്ത്യന് ക്രിക്കറ്റ് ടീം ആലോചിക്കുന്നതാണ് നോവലിന്റെ കഥ.
ബോളിവുഡില് സജീവമാവുകയാണ് ദുല്ഖര് സല്മാന്. ഇര്ഫന് ഖാനും മിഹില പാര്ക്കര്ക്കറിനൊപ്പമുള്ള കര്വാന് മികച്ച പ്രതികരണം നേടി തിയ്യറ്ററുകളില് പ്രദര്ശനം തുടരുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ