തിരുവനന്തപുരം : പ്രശസ്ത നാടക-സീരിയൽ നടൻ കരകുളം ചന്ദ്രൻ അന്തരിച്ചു. 68 വയസ്സായിരുന്നു. ഏറെ നാളായി ചികിൽസയിലായിരുന്നു. ഇന്ന് പുലർച്ചെ ദേഹാസ്വാസ്ഥ്യം അനുഭവപ്പെട്ട ഇദ്ദേഹത്തെ അയൽവാസികൾ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൂന്ന് തവണ തുടർച്ചയായി മികച്ച നാടക സംവിധായകനുള്ള സംസ്ഥാന അവാർഡ് ലഭിച്ചിട്ടുണ്ട്. സംസ്ഥാനസർക്കാരിന്റെയും സംഗീത നാടക അക്കാദമിയുടെയും ഉൾപ്പടെ നിരവധി പുരസ്കാരങ്ങൾ നേടിയ കരകുളം ചന്ദ്രന് സമഗ്രസംഭാവനയ്ക്കുള്ള രാമു കാര്യാട്ട് അവാർഡും ലഭിച്ചിട്ടുണ്ട്.
1986 ൽ പി.എ. ബക്കർ സംവിധാനം ചെയ്ത ശ്രീനാരായണഗുരുവിൽ അദ്ദേഹം അഭിനയിച്ചിട്ടുണ്ട്. കരകുളം ചന്ദ്രന് സംവിധാനം ചെയ്ത ഈശ്വരന്റെ മേല്വിലാസം, ഇവിടം സ്വര്ഗമാണ് തുടങ്ങിയ നാടകങ്ങൾ ഏറെ ശ്രദ്ധ നേടിയവയാണ്. നൂറു കണക്കിന് വേദികളെയാണ് ചന്ദ്രൻ നടനചാതുരി കൊണ്ട് വിസ്മയിപ്പിച്ചത്.
സംസ്കാരം നാളെ തിരുവനന്തപുരം തൈക്കാട് ശാന്തികവാടത്തിൽ നടക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ