പുതിയ ചിത്രമായ സകലകലാശാലയുടെ ഫോട്ടോസ് പുറത്തുവന്നപ്പോള് എല്ലാവര്ക്കും ഒരു സംശയം കേരള പൊലീസ് മേധാവി ലോക്നാഥ് ബെഹ്റ അഭിനയം തുടങ്ങിയോ എന്ന്. പൊലീസ് വേഷം സോഷ്യല് മീഡിയയില് ചര്ച്ചയായതോടെയാണ് യഥാര്ത്ഥ അഭിനേതാവ് പുറത്തുവന്നത്. ബെഹ്റയോട് ചെറിയ രൂപസാദൃശ്യമുള്ള സാജു നവോദയ എന്ന പാഷാണം ഷാജിയാണ് പൊലീസ് വേഷത്തില് എത്തുന്നത്. എന്നാല് ചിത്രം കണ്ട് എല്ലാവരും ഞെട്ടിയിരിക്കുകയാണ്. യൂണിഫോം ധരിച്ച് എത്തുന്ന പാഷാണം ഷാജിയെ ഒറ്റനോട്ടത്തില് കണ്ടാല് ബഹ്റയാണന്നേ പറയൂ.
വിനോദ് ഗുരുവായൂര് സംവിധാനം ചെയ്യുന്ന ചിത്രത്തില് പൊലീസ് കമ്മിഷണറായിട്ടാണ് പാഷാണം ഷാജി എത്തുന്നത്. ബെഹ്റയോടെ ഏറെ സാമ്യമുളള ലുക്കിലാണ് ഷാജിയുടെ വരവ്. സാമൂഹമാധ്യമത്തിലൂടെ ചിത്രത്തിലെ ഫോട്ടോസ് പുറത്ത് വിട്ടതിന് പിന്നാലെയാണ് പാഷാണം ഷാജിയുടേയും ബഹ്റയുടേയും സാദൃശ്യം വീണ്ടും ചര്ച്ചയായത്. ഇത് ആദ്യമായിട്ടല്ല ഇരുവരുടേയും രൂപസാദൃശ്യം ചര്ച്ചയാവുന്നത്.
ബഹ്റ തന്നെ ഇത് അംഗീകരിക്കാറുണ്ട്. തന്റെ മകന് വരെ ഷാജിക്ക് തന്റെ മുഖസാദൃശ്യമുണ്ടെന്ന് പറഞ്ഞിട്ടുണ്ട് എന്നാണ് അദ്ദേഹം പറയുന്നത്. പാഷാണം ഷാജിയുമായി സാമ്യമുളള ട്രോളുകള് ആസ്വദിക്കാറുണ്ടെന്ന് അദ്ദേഹം വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ